Náttúruhlaup logo

Hlaupaferð í Dólómítana

Hlaupaferð í Dólómítana


Leiðsögumaður
Rúna Rut Ragnarsdóttir

Rúna Rut Ragnarsdóttir

Leiðsögumaður

Rúna Rut Ragnarsdóttir er viðskiptafræðingur að mennt og hefur starfað við ferðaþjónustutengd störf til margra ára. Hún er einnig þjálfari Valur skokk, Náttúruhlaupaþjálfari og nú nýlega mátað sig við ferðir á vegum náttúruhlaupa sem náttúruhlaupaleiðsögumaður hér heima og erlendis. 

Hún hefur einstaklega mikinn áhuga á því að kanna sín takmörk og er ávallt með eitthvað markmið framundan hvort sem er í leik eða starfi. Hún hefur síðan hún byrjaði að hlaupa markvisst aukið við sig hlaupareynsluna en hún trúir á að góðir hlutir gerist hægt og því leggur hún áherslu á að vera skynsöm og ætla sér ekki of mikið á of skömmum tíma. Rúna Rut er með mikla reynslu í bæði götu og fjallahlaupum og hefur lokið fjöldann allan af maraþonhlaupum og ultrahlaupum bæði hér heima og erlendis. Hennar markmið er að þau verði 70 talsins fyrir 70 ára aldurinn. Rúna Rut er stofnandi Árstíðahlaupa ásamt Helgu Maríu en Árstíðahlaup er hlaupasería sem gengur út á að vera í formi til að hlaupa ígildi um 20 km alllt árið, vera í núinu og njóta þess að geta hlaupið úti í náttúrunni, án þess að vera í kappi við tímann.

Verð frá
219000 kr.

Erfiðleikastig
Miðlungs

  • 1
  • 2
  • 3
  • 4
  • 5

Ferðaflokkur
Hlaupaferð

Hvað er innifalið
leiðsögn, gisting á 4ra stjörnu hóteli m morgunverð, akstur til og frá flugvelli og á upphaf hlaupaleiða, aðgangur í kláfa

Brottfarir
27. ágúst 2020

Lengd ferðar
7 dagar

Náttúruhlaup í samstarfi við Íslenska Fjallaleiðsögumenn bjóða upp á spennandi hlaupaferð í Dólómítana.

Leiðsögumenn eru þær Helga María Heiðardóttir og Rúna Rut Ragnarsdóttir

Verðið á ferðinni er 219.900 fyrir þá sem tilheyra hlaupasamfélagi Náttúruhlaupa, en 239.000 fyrir aðra.
Staðfestingargjald er 55.000 kr.
Verð miðast við 2ja manna herbergi, aukagjald fyrir 1 manns herbergi eru 63.000 kr.

Dólomítafjöllin eru sannkölluð útivistarparadís og þar er hægt að hlaupa ótal leiðir á milli fjallaskála í mögnuðu umhverfi. Í þessari ferð verður meðal annars hlaupið um svæði sem eru á heimsminjaskrá UNESCO, til dæmis Tre Cimes og Cinque Torri. Þetta svæði Ítalíu er einnig þekkt fyrir sögu sína frá fyrri heimstyrjöldinni og er gaman að kynna sér hana. Helga María er menntaður jarðfræðingur og hefur mjög góða þekkingu á jarðfræði, menningu og sögu Dólómítana og hefur reynslu í leiðsögn á þessu svæði.

Gist verður á fjögurra stjörnu hóteli í Cortina d'Ampezzo allar næturnar og er morgunmatur innifalinn. Útsýnið þarna er alveg ótrúlegt og um ógleymanlega ævintýraferð er að ræða. Áherslan verður á að njóta og verja deginum saman í hinni stórfenglegu náttúru Dólómítana.

Ferðin er miðlungskrefjandi og þarf fólk að vera í góðri þjálfun til að þola að vera lengi á fótum nokkra daga í röð. Hlaupaleiðirnar eru frá 10 km með 600 metra hækkun upp í 20 km með 1100 metra hækkun.  Flestar leiðirnar bjóða upp á að hægt sé að stytta og verður hópnum skipt eftir hraða sé þess þörf. Þeir sem það kjósa geta sleppt hlaupadegi og notið þess sem Cortina d´Ampezzo hefur upp á að bjóða. Eins verður einn frjáls dagur sem fólki gefst kostur á að verja að vild, m.a. er hægt að leigja sér hjól eða fara í göngutúr á eigin vegum.

Hópurinn hittist á flugvellinum í Munchen á degi eitt og er akstur innifalinn til og frá Cortina d'Ampezzo.

Innifalið
Gisting með morgunmat á 4 stjörnu hótel
Akstur til og frá flugvelli og á hlaupastaði
Fararstjórn
Aðgangur í kláfa
Undirbúningfundur með fararstjórum 

Ekki innifalið
Flug og máltíðir fyrir utan morgunmat
Afþreying á hvíldardegi

Bóka ferð

Currency Settings

Choose your currency

Please note that our currency exchange rate is taken from the Icelandic Central Bank and might differ slightly from your bank's currency rate. Additionally, all charges are made in Icelandic Krona (ISK).

Select currency:

Iceland Rovers - Search

Looking for something special?

Skráðu þig á póstlista Íslenskra Fjallaleiðsögumanna!

* verður að vera útfyllt

Hafa samband