Gengið að Grænahrygg

Dagsferð á Torfajökulssvæðinu að Grænahrygg, í samstarfi við Kynnisferðir

Dagsferð að Grænahrygg

Leiðsögumaður
Sölvi Signhildar- Úlfsson

Sölvi Signhildar- Úlfsson

Leiðsögumaður

Verð frá
22999 kr.

Erfiðleikastig
Krefjandi

  • 1
  • 2
  • 3
  • 4
  • 5

Hvað er innifalið
Rútumiði, leiðsögn

Þú útvegar
Hlýjan, regnheldan fatnað, gönguskó, gott nesti og andlitsgrímu fyrir rútuferðina

Lengd ferðar
8 klst.

Við sækjum þig á
BSÍ

Athugið
Vinsamlegast athugið að vegna Covid-19 er andlitsgrímuskylda í rútum. Andlitsgrímur eru til sölu á BSÍ. Hver og einn ber ábyrgð á því að fylgja 2 metra reglunni í göngunni.

Flestir Íslendingar þekkja til Landmannalauga og vita hvers konar litadýrð er að finna í líparítinu á svæðinu. En færri hafa heyrt um Grænahrygg, sem ólíkt mörgum íslenskum örnefnum ber nafn með rentu. Grænihryggur er nákvæmlega það sem hann segist vera, fagurgrænn hryggur í miðju landslaginu sem ómögulegt er að ná á mynd því hún virðist alltaf vera teiknuð. Sjón er hér sögu ríkari og ef eitthvert náttúruundur er þess virði að bera eigin augum, þá er það Grænihryggur.

Boðið er upp á ferðina í samstarfi við Kynnisferðir sem munu sjá um akstur. Ekið er frá BSÍ inn á Fjallabak að Kirkjufelli þar sem gangan hefst. Gengið er frá grösugum grundum Kýlinga, upp Halldórsgil og inn í Torfajökulsöskjuna. Þar blasir við útsýni yfir veröld óvenjulegrar litagleði, gular líparítsskriður prýddar mjúkum mosa tróna yfir jökulgiljum. Gengið er eftir hryggjum, hlíðum og botnum giljanna til að finna hinn einstaka Grænahrygg. 

Þetta er löng dagsferð með akstri en gert er ráð fyrir að gangan sjálf taki um 8 klst. Fólki er ráðlagt að vera vel búið með gott nesti, vaðskó og handklæði því farið er yfir nokkur vöð á leiðinni. 

Vinsamlegast athugið að lágmarksfjöldi í þessa ferð er 20 manns og hámarksfjöldi 30. Vegna Covid-19 er andlitsgrímuskilda í rútum. Andlitsgrímur eru til sölu á BSÍ.

Við áskiljum okkur rétt til að fella ferð niður vegna veðurfars eða aðstæðna á hálendisvegum.

Lágmarks aldur: 16 ára

Bóka ferð

Currency Settings

Choose your currency

Please note that our currency exchange rate is taken from the Icelandic Central Bank and might differ slightly from your bank's currency rate. Additionally, all charges are made in Icelandic Krona (ISK).

Select currency:

Iceland Rovers - Search

Looking for something special?

Skráðu þig á póstlista Íslenskra Fjallaleiðsögumanna!

* verður að vera útfyllt

Hafa samband