Óviðjafnanleg ganga um stórkostlegt landslag
Í ágúst 2020 ætlum við til Ítalíu í hina víðfrægu Dólomíta. Dólomítafjöllin eru sannkölluð útivistarparadís og þar er hægt að ganga ótal leiðir á milli fjallaskála í mögnuðu umhverfi. Ein vinsælasta leiðin er Alta Via 1 sem "liggur hátt" eins og nafnið gefur til kynna. Í heildina verður gengin 115 km leið og gera má ráð fyrir hækkun og lækkun á hverjum degi að meðaltali um 1000 metra.  Vel búnir skálar eru á milli dagleiða en ekki er hægt að trússa farangur á milli þeirra, því  þurfa farþegar að bera með sér farangur (um 7-8 kg). Þetta er ógleymanleg ganga í tilkomumiklu umhverfi sem er í flokki með bestu gönguleiðum heims. 

Hafið sambandi við [email protected] fyrir frekar upplýsingar.