Önnur fjöll

Önnur fjöll

Verð frá
28500 kr.

Erfiðleikastig
Krefjandi

  • 1
  • 2
  • 3
  • 4
  • 5

Hvað er innifalið
Leiðsögn sérmenntaðs leiðsögumanns og allur nauðsynlegur búnaður til jöklaferða

Lengd ferðar
8 - 18 klst

Upphafsstaður
samkv. samkomulagi

Hópastærð
Lágmarksfjöldi 2

Athugið
Frekari upplýsingar á fjallaleidsogumenn@fjallaleidsogumenn.is

Eyjafjallajökull, Þverártindsegg, Sveinstindur, Snæfellsjökull og fleiri tindar

Það er enginn skortur á fallegum fjöllum sem gaman er að ganga á.  Íslenskir Fjallaleiðsögumenn bjóða upp á vandaða farastjórn með faglærðum fararstjórum.  Við höfum áralanga reynslu af leiðsögn með hópa á fjöll og jökkla.  Til gamans má geta að Íslenskir Fjallaleiðsögumenn voru fyrstir til þess að fara með hópa á Hrútsfjallstinda, Miðfellstind, Sveinstind og fleiri fjöll.  
Dæmi um skemmtilegar fjallgöngur má benda á:
Snæfellsjökull 1.446 m
Fallegur jökull og hæfilega löng ganga.  Er hægt að gera í dagsferð frá Reykjavík.
Eyjafjallajökull 1.666 m
Talsvert auðveldir ganga en Hvannadalshnjúkur en gera má ráð fyrir um 10-12  klukkustunda göngutíma.  Oft fara hópar á Eyjafjallajökul sem æfingarferð fyrir Hvannadalshnjúk en fjallið er fullkomlega þess virði að ganga á það eitt og sér.
Helstu leiðir eru "Skerjaleiðin" upp norðanverðan jökulinn eða að farið er upp frá Seljavöllum og gengið á jökulinn úr suðri.  Jökullinn er vinsæll hjá fjallaskíðahópum og brött Smjörgilin farin að teljast sígild fjallaskíðaleið.  Hægt að gera í dagsferð frá Reykjavík.
 
Miðfellstindur 1.440 m
Miðfellstindur er hæstur Skaftafellsfjalla og gnæfir yfir litríka Kjósarbotnana annars vegar og yfir sléttum Vatnajökli hinumegin.  Trimmklúbbur Seltjarnarnes var fyrsti hópurinn til að gera ferð á tindinn undir handleiðslu Leifs Arnars Svavarssonar, en fyrir þann tíma höfðu örfáir átt leið þarna um.  Eftir vel heppnaða ferð Trimmklúbbsins spurðist gangan fljótt út og fjöldi gönguhópa hefur fylgt í kjölfarið.  Gangan er löng en vel erfiðis virði. 
 
Sveinstindur 2.044 m.  Næst hæsta fjall landsins
Gangan á Sveinstind frá Ærfjalli er með fallegri fjallgöngum á Íslandi.  Þarna var Leifur Örn líklega fyrstur til að fara og leiddi einnig fyrsta hópinn sem gekk þarna upp, Ingunni Þorsteinsdóttur og félaga.  Gangan er lög og brött á köflum.  Svæðið er fáfarið og skoða þarf aðstæður vel áður en þessi leið er farin.  Uppgangan tekur 10-11 klst og heildar ferðatími er 16-18 klst.
Mun viðráðanlegra er að ganga á Sveinstind frá Kvískerjum og þá leið er tilvalið að fara á fjallaskíðum.
   
Þverártindegg 1.554 m
Þverártindsegg er með fallegri fjöllum landsins.  Tvær gönguleiðir eru færar á fjallið en Íslenskir Fjallaleiðsögumenn hafa oftast farið úr Kálfafellsdal.  Slóðin inn dalinn er mjög grófur og þurfa þátttakendur að vera á jeppum.  Gangan er brött og tekur um 10-11 klst.  Auk hefðbundins jöklabúnaðar þá þarf hjálma fyrir gönguna en hvoru tveggja geta Íslenskir Fjallaleiðsögumenn útvegað. 
Fleiri fjöll
Íslenskir fjallaleiðsögumenn hafa leitt hópa á mörg önnur fjöll sem of langt er að telja upp.  Hvort sem verið er að safna tindum eða eingöngu ganga sér til ánægju þá er velkomið að vera í sambandi við fjallaleidsogumenn@fjallaleidsogumenn.is

Búnaðarlisti

Dagsferð á jökul

Hvannadalshnjúkur / Hrútafellstindar / Þverártindsegg

 Bakpoki 30-45L

 Vatns og vindheldur öndunarfatnaður, buxur og jakki

 Sterkir gönguskór (hægt að leigja af ÍFLM)

 Legghlífar

 Síðerma bolur úr ull eða gerviefnum

 Göngubuxur eða fleece buxur

 Ullarsokkar / göngusokkar

 Góð sólgleraugu cat. 3-4

 Sólarvörn (30 eða meira)

 Hlý peysa (ull eða fleece)

 Auka peysa til að nota í pásum og á köldum dögum (eða léttur dún / fiber jakki

 Húfa og vettlingar (þunna og þykka)

 Nesti (2-6 samlokur og súkkulaði og annað nasl)

 Vatn (allt að 3L, leitið ráða hjá leiðsögumanni fyrir ferð)

 Myndavél

 Göngustafi (stillanlega skíðastafi)

Snemma á vorin (apríl, maí) er nauðsynlegt að vera með hlýrri föt og ekki úr

vegi að hafa einnig skíðagleraugu og vindeldar lúffur/vettlinga með í för.

Frekari upplýsingar:

Fatnaður:

Að fara á Hnúkinn tekur milli 10 og 15 tíma að jafnaði. Búast má við hitastigi á bilinu

–10°C og upp í 20°C á hvaða árstíma sem er. Besta leiðin til að vera undirbúinn undir

þennan mikla hitamun er að klæða sig í lögum. Þannig er hægt að fara úr í miklum

hita eða auka við fatnað eftir því sem ofar dregur og kólnar. Það er mjög mikilvægt

að klæðast fatnaði næst húðinni sem ekki dregur í sig raka. Ull og ýmis gervi efni eru

mjög góð. Bómull er alger bannvara á fjöllum! Útivistarverslanir hafa mikið framboð

af góðum innanundirfatnaði og geta gefið góð ráð um val á honum. Þunnir langerma

bolir gefa besta vörn á sólar dögum!

Matur og drykkur:

Á meðan á fjallgöngunni stendur er stoppað nokkrum sinnum í lengri og skemmri

tíma til að nærast og drekka. Mjög gott er að hafa nesti sem samanstendur af

sælgæti, t.d. súkkulaði, sem borða má í stuttum pásum og samlokum sem gefa

langtíma orku og borða má í lengri hléum.

Það er sjaldgæft að göngumenn nái ekki toppnum vegna þreytu. Þegar slíkt kemur

fyrir er það venjulega vegna vöðvakrampa. Vöðvakrampar verða til vegna samblands

áreynslu, vökva- og steinefnaskorts. Besta leiðin til að koma í veg fyrir krampa er að

drekka mikið af vökva. Hægt er að blanda ýmiskonar orkudrykkjum út í vatn til að

bæta upp steinefna- og orkuskort.

Best er að velja orkudrykki sem hafa mikið af steinefnum en ekki eingöngu kolvetni.

Styrkur blöndunnar ætti að vera um ½ af því sem framleiðandi mælir með.

Vatnið ætti að bera þannig að hægt sé að ná í það á göngu og ekki þurfi alltaf að taka

af sér bakpokann til að drekka. Góður kolvetnaríkur morgunmatur hjálpar til [múslí,

brauð, o.þ.h.] og ekki er verra að drekka mikið áður en lagt er af stað. Kaffidrykkju

ætti þó að stilla í hóf þar sem hún leiðir til frekara vökvataps.

Drekka, drekka,og drekka svo meira!

Æfingar:

Yfirgnæfandi meirihluti þeirra sem leggja í göngu á Hvannadalshnjúk með ÍFLM ná

toppnum. Þegar það gerist ekki er það oftast vegna veðurs. Engin ætti þó að

vanmeta Hnjúkinn. Gangan er löng og dagurinn erfiður. Jafnvel fyrir fólk í mjög góðu

formi!

Allir ættu því að æfa sig áður en lagt er á brattann. Esjan, Móskarðshnúkar, Vífilfell,

Skarðsheiði og Akrafjall eru nokkur dæmi um fjöll sem eru aðgengileg og skemmtileg

til að byggja upp þol.

Kær kveðja og góða ferð,

Starfsfólk Íslenskra fjallaleiðsögumanna

Bóka ferð

Ferðina er hægt að bóka fyrir einstaklinga og hópa, vinsamlegast hafið samband fyrir frekari upplýsingar.

Currency Settings

Choose your currency

Please note that our currency exchange rate is taken from the Icelandic Central Bank and might differ slightly from your bank's currency rate. Additionally, all charges are made in Icelandic Krona (ISK).

Select currency:

Iceland Rovers - Search

Looking for something special?

Skráðu þig á póstlista Íslenskra Fjallaleiðsögumanna!

* verður að vera útfyllt

Hafa samband