Hvannadalshnúkur er hæsti tindur landsins og vinsæl áskorun fyrir þá sem eru komnir af stað í gönguferðum og fjallgöngum. Að renna sér niður af hæsta tindi landsins á fjallaskíðum ætti að vera efst á lista alls skíðafólks á Íslandi. Þetta er ekki auðveldur dagur á fjöllum með 2000m hækkun og mælt er með því að þeir sem skrá sig hafi þegar reynslu af fjallaskíðun og hafi tekið stóra daga með 1300+ metra hækkun.

Það er aðeins ein brottför árið 2024: 18. maí.

Í þessari brottför verður farið upp og niður Sandfellsleiðina sem bíður upp á jafna og þægilega uppgöngu og eina allra lengstu skíðabrekku landsins. Fagmennska á fjöllum!

Fyrir frekari upplýsingar sendið tölvupóst á [email protected] Íslenskir Fjallaleiðsögumenn hafa alla tíð boðið upp á persónulega og faglega þjónustu í litlum hópum.

Ferðir á Hvannadalshnúk eru ávallt í litlum hópum, 2-6 manns á hvern leiðsögumann. Þessir staðlar gera okkur kleift að bjóða upp á krefjandi og spennandi ferð um leið og við förum eftir tilmælum almannavarna og landlæknis varðandi fjölda og fjarlægðar milli einstaklinga.

Lágmarks aldur: 16 ára