Dagur 1  Marrakech
Koma til Marrakech og ævintýrið hefst með akstri inn í borgina þar sem við komum okkur fyrir á góðu Riadi – hefðbundnu gistihúsi heimafólks þar sem ekkert er til sparað. Kvöldverður á gistihúsinu.

Dagur 2 Akstur til Imlil ganga og jóga
Eftir morgunjóga er haldið af stað að undirhlíðum Atlasfjallanna og þorpsins Imlil. Við komuna þangað njótum við hádegisverðar á terössu gistihússins okkar áður en við höldum út í gönguferð um þennan skemmtilega fjallabæ og nánasta nágrenni hans í fylgd staðarleiðsögumanns. Jógastund fyrir kvöldmat og kvöldverður á gistihúsinu. Fullt fæði

Dagur 3 Gönguferð og jóga
Eftir morgunjóga og morgunverð gerum við okkur klár í göngu dagsins en staðarleiðsögumaður og Martha velja hvert haldið er. Við njótum útiverunnar í dag í þessum ótrúlegu fjallasölum og endum daginn á jógastund. Kvöldverður á gistihúsinu. Fullt fæði

Dagur 4 Akstur til Essaouira og jóga á ströndinni
Við pökkum saman í dag og höldum vestur að ströndinni til borgarinnar Essaouira þar sem við dveljum næstu dagana. Við hristum af okkur ökusvimann með jóga á ströndinni og áhugasamir geta pantað sér sörfnámskeið, en Essaouira er ein helsta sörfborg Marokkó. Fullt fæði

Dagur 5 Essaouira
Við fáum staðarleiðsögumann til þess að fræða okkur um leyndardóma þessarar ótrúlegu borgar, jógum, borðum og njótum lífsins á ströndinni. Hálft fæði

Dagur 6 Essaouira
Annar dagur til þess að njóta lífsins í þessari heillandi borg, jóga, borða og njóta lífsins. Hálft fæði

Dagur 7 Essaouira – Marrakech
Við höfum morguninn til þess að jóga og slaka á áður en við ökum til Marrakech þar sem við komum okkur fyrir á Riadi. Kvöldverður á gistihúsi. Hálft fæði

Dagur 8 Marrakech
staðarleiðsögumaður leiðir okkur inn í heillandi heim þessarar borgar fyrir hádegið og seinni hluta dags er frjáls fram að síðustu jógastund ferðarinnar. Kvöldverður á gistihúsi. Hálft fæði

Dagur 9 haldið heim
Akstur á flugvöllinn eftir morgunverð og haldið heim til Íslands.