Gönguferð á Snæfellsjökul

Snæfellsjökull er einn myndarlegasti jökull Íslands. Þessi 700.000 ára gamla eldkeila rís 1.446 m yfir sjávarmál og gaus síðast árið 250 e.Kr.

Ganga á tindinn er gott dagsverk, og er velfært fullfrískum. Við njótum umhverfisins sem frægt hefur verið fyrir að vera vettvangur fyrir „Ferð til miðju jarðar“ eftir Jules Verne. Og það má vera að geimverur hafi stigið fæti þarna einhvern tímann.

Jökullin hefur alltaf verið sveipaður dulúð og margir segja að það búi kraftur í honum og telja hann sem eina af sjö stærstu orkustöðvum jarðarinnar. Á toppi jökulsins munum við njóta stórkostlegs útsýnis sem nær frá Reykjanesskaga í suðri til Vestfjarða í norðri. Aksturinn að upphafsreit göngunnar liggur um Snæfellsnesþjóðgarð.

Landslagið sem farið er um er stórkostlegt. Þessi dagsferð uppfyllir allar kröfur sem góð ganga þarf: stórkostlegt útsýni, jarðfræðileg undur og krefjandi ganga sem mestallt fer fram á snævi huldu jöklum. Þegar komið er inn á jökulinn verður gengið í línu upp að hinum einkennandi blómkáls-toppi Snæfellsjökuls.

Þegar upp á topp er komið virðum við fyrir okkur magnað útsýnið, fáum okkur nesti og njótum þess að standa á toppinum á þessu glæsilega sofandi eldfjalli.