Skemmtun og slökun – Fjórhjólaferð og Reykjaböð
Hressandi og fræðandi fjórhjólaferð um Hengilssvæðið ásamt hlýrri heimsókn í Reykjaböð. Fullkomið fyrir vinahópa, hópefli og starfsmannaskemmtanir.
Ferðarkóði: Pakki5
Skemmtun og slökun er ævintýralegur dagur þar sem fjörug upplifun og unaðsleg slökun fara saman. Á einum ógleymanlegum degi er farið í fjórhjólaferð um Hengilinn og háhitasvæðið í grennd við Litlu Kaffistofuna áður en haldið er í heitar laugar Reykjabaða við Hveragerði.
Fjórhjólaferðin hefst á Litlu Kaffistofunni, rétt utan við höfuðborgarsvæðið, og blandar saman fjörugum akstri, stórbrotnu útsýni yfir Hengilssvæðið og fræðslu um háhitasvæðið, með viðkomu á útsýnisstað þegar veður leyfir.
Deginum lýkur svo í heitu baðlóni Reykjabaða í gullfallegu umhverfi, enda fátt betra en að ljúka hressandi degi á alvöru lúxus í nýju og glæsilegu baðlóni. Reykjaböð er spennandi nýjung í flóru baðlóna landsins og þykja sérstaklega falleg og upplifunin einstök.
Litla Kaffistofan er í þægilegri akstursfjarlægð frá Reykjavík, aðeins um 25 mínútur frá miðborginni, og auðvelt er að bæta akstri frá Reykjavík við pakkann.
Skemmtun og slökun er fullkomin blanda ólíkra en stórkostlegra upplifana á einum ógleymanlegum degi, hvort sem um er að ræða vinahópinn, stórfjölskylduna, hópeflið eða starfsmannaskemmtunina.
Yfirlit ferðar
- Lágmarks aldur
- 10 ár
- Lengd ferðar
- 5 klukkustundir
- Erfiðleikastig
- Létt
Hafa samband
Tilbúin í skemmtun og slökun? Sendu inn bókunarbeiðni og fáðu verð í eftirminnilegan dag fyrir hópinn þinn!
Innifalið
- Fjórhjólaferð
- Aðgangur að Reykjaböðum
- 2 drykkir
- Akstur með bílstjóra
- Hægt er að bæta við akstri frá Reykjavík
Hvað er að frétta?
Skráðu þig á póstlistann og fáðu sérstök tilboð, kynningarefni og nýjustu fréttir beint í innhólfið.