Fjórhjól og jöklaganga

Í þessari frábæru tvennu, byrjarðu á fjórhjólaferð meðfram svörtum söndum suðurstrandarinnar og síðan er farið í jöklagöngu á Sólheimajökli.

Dagurinn byrjar við bækistöð Fjallaleiðsögumanna undir Mýrdalsjökli (Bárukot), þar sem leiðsögumaður tekur á móti þér og undirbýr þig fyrir fjórhjólaferðina. Farið verður er um skemmtilegan slóða sem liggja um læki, holt og hæðir og niður á hina svörtu sanda Sólheimasands. Þar tekur við magnað útsýni um strandlengjuna, niður að Dyrhólaey og upp að Mýrdalsjökli. Síðan er haldið að hinu stórbrotna Douglas DC3 flugvélaflaki. Við tökum okkur hlé frá akstrinum fyrir myndatöku áður en haldið er aftur að upphafsstað.

Eftir fjórhjólaferðina er næsta stopp bækistöð Fjallaleiðsögumanna við Sólheimajökul. Það tekur aðeins 10 mínútur að keyra á milli staða og munu nákvæmar akstursleiðbeingingar fylgja bókuninni.

Við Sólheimajökul hittirðu viðurkenndan og reyndan jöklaleiðsögumann, sem undirbýr og fer með þér í þessa einstöku jöklagöngu. Að öryggiskynningu lokinni, er haldið á jökulinn þar sem þú upplifir einstakt og síbreytilegt landslag jökulsins.

Á meðan göngu stendur, mun leiðsögumaðurinn fræða þig um jökla, myndun, sögu og hvaða hlutverki þeir gegna. Gangan er við flestra hæfi og fjölskylduvænt ævintýri. Nægur tími gefst til að taka myndir ásamt því að fræðast um myndun og mótun íslensku jöklanna. Enga tæknilega reynslu þarf fyrir ferðina og allur tæknilegur búnaður er innifalinn.

Athugið: Gild ökuréttindi þarf til að aka fjórhjóli. Einstaklingar og oddatöluhópar þurfa að greiða fyrir staka ökumenn (e. single rider fee).