Frá Litlu Kaffistofunni

Fjórhjólaferð um Hengil & Jósepsdal - 2,5 klst.

Ný ferð

Upplifðu einstakt eldfjallalandslagið rétt utan við Reykjavík í þessari tveggja og hálfs tíma fjórhjólaferð um Hengilssvæðið og Jósepsdal. Steinsnar frá borginni er ekið um víðáttumikil hraun, dali og fjalllendi þar sem náttúran fær að njóta sín.

Ferðarkóði: LK402

Verð frá:

198 USD
158 USD

Bóka

þrír ferðalangar taka myndir við sólsetur af útsýni yfir Svínahraun

Stórkostlegt fjórhjólaævintýri á Íslandi – Hraunsvæði og eldfjöll nálægt Reykjavík

Skelltu þér út fyrir borgarmörkin og beint út í íslenska náttúru í þessari tveggja og hálfs tíma fjórhjólaferð frá Litlu Kaffistofunni, aðeins 15–25 mínútur frá Reykjavík. Ferðin liggur inn á Hengilssvæðið og um hinn sögufræga Jósepsdal, þar sem svart hraun, fjallshryggir og opið landslagið skapa kjöraðstæður fyrir akstur á skemmtilegu fjórhjóli.

Keyrt er um Svínahraun að Hellisheiðarvirkjun, upp á Hengilssvæðið, inn í Hveradali, inn eftir Jósepsdal og í nágrenni við Vífilsfell, þar sem víðáttumikið útsýni yfir Hengilinn og nærliggjandi hálendi blasa við. Ferðin tekur um tvær og hálfa klukkustund sem gefur fólki meiri tíma til að njóta svæðisins, landslagsins og akstursins.

Þessi ferð sameinar skemmtun, náttúru og innsýn í landslag sem mótast hefur af eldvirkni í þúsundir ára. Hún hentar bæði þeim sem eru að prófa fjórhjól í fyrsta skipti og þeim sem vilja lengri og fjölbreyttari upplifun í nágrenni borgarinnar.

Yfirlit ferðar

Lágmarksfjöldi gesta
4: Lágmarks aldur
8 ár: Lengd ferðar
2.5 klukkustundir: Erfiðleikastig
Létt

Athugið að lágmarksfjöldi farþega í ferðina er fjórir. Í þeim tilfellum þar sem lágmarksfjölda er ekki náð er ferðin afbókuð og haft er samband til að endurgreiða hana að fullu eða bóka nýja tímasetningu.

Upplifunin

Ferðin hefst á Litlu Kaffistofunni þar sem gestir hitta leiðsögumanninn, fá öryggisleiðbeiningar og búnað (hjálmur og hlífðargleraugu). Þaðan er haldið beint út í óspillta náttúruna og borgin skilin eftir á örfáum mínútum.
Leiðin liggur í um víðáttumikið hraun, inn í Jósepsdal og í gegnum landslag sem hefur mótast af eldvirkni og jarðhita. Á leiðinni eru gestir fræddir um jarðfræði svæðsisins, nýsköpunarverkefni og orkuframleiðslu ásamt skemmtilegum þjóðsögum og jafnvel góðri draugasögu.

Af hverju að velja þessa ferð

Tveggja og hálfs tíma fjórhjólaferð
Aðeins 20–25 mínútur frá Reykjavík
Ekið um hraun, dali og eldfjallasvæði
Útsýni yfir Hengil, Bláfjöll og Vífilsfell
Hentar byrjendum, með faglegum leiðsögumönnum
Fróðlegt ævintýri í litlum hópum

Gott að vita

Ökumenn þurfa að vera með gilt ökuskírteini
2 deila fjórhjóli (hægt að uppfæra í eins manns hjól)
Lágmarksaldur er 8 ára
Eitt barn með hverjum fullorðnum ökumanni
Engin krafa er gerð um reynslu af fjórhjólum

Hvað á að hafa meðferðis

Hlýtt innsta lag (t.d. flís eða ull)
Sterkir skór eða gönguskór
Hanskar og húfa eftir veðri
Sólgleraugu geta gert gæfumuninn

Í hnotskurn

Þessi tveggja og hálfs tíma fjórhjólaferð býður upp á létta, skemmtilega og fjölbreytta upplifun í nágrenni Reykjavíkur. Leiðin liggur um Svínahraun, áfram inn í fallegan Jósepsdal og um svæði sem hefur mótast af einstöku samspili eldfjalla, jarðhita og veðurfars.
Á leiðinni nýturðu útsýnis yfir Hengilssvæðið og nærliggjandi fjöll, auk þess að fara um víðáttumikil svæði sem henta vel til fjórhjólaaksturs. Þetta er frábær blanda af adrenalíni, náttúru og útiveru og tilvalið fjör fyrir þá sem vilja komast aðeins út fyrir borgina og prófa eitthvað nýtt.