Toubkal tindur

Toubkal tindur

Erfiðleikastig
Miðlungs
  • 1
  • 2
  • 3
  • 4
  • 5

Brottfarir
22. september 2018

Lengd ferðar
9 dagar

Hópastærð
6 - 16

Farastjóri Einar Torfi

Einar Torfi

Farastjóri

Einar Torfi er landmótunarfræðingur og einn af stofnendum og eigendum fyrirtækisins Íslenskir Fjallaleiðsögumenn. Einar Torfi hefur áratuga reynslu af leiðsögn og ferðamennsku og verður að teljast einn af reynslumeiri mönnum landsins á því sviði. Gildir þá einu, hvort um er að ræða ferðalög að sumri eða vetri, á Íslandi eða erlendis, á skíðum eða skóm. 

Einar Torfi starfaði með Flugbjörgunarsveitinni til fjölda ára þar sem hann sjóaðist talsvert í fjallamennsku og útivist og náði sér í ýmis leiðbeinandaréttindi á þeim vettvangi. Áhugamál Einars Torfa fóru fljótlega að snúast um fjöll og firnindi og eyddi hann drjúgum tíma í Ölpunum og kleif þar tind og annan. Á seinni árum hefur sjóndeildarhringurinn víkkað og klifurferðir í Alpana haf vikið fyrir ferðalögum til fjarlægari fjalla á framandi slóðum.

Ógleymanlegt ævintýri í undirhlíðum Atlasfjallanna

Ganga á hæsta fjall norður Afríku, Toubkal er ógleymanlegt ævintýri öllum sem hana þreyta. Við göngum um undirhlíðar Atlasfjallanna, um þorp og akra Berbanna sem þarna hafa búið frá örófi alda. Við þræðum aldagamla múlasnaslóðana um hæðir og dali og aldrei að vita nema við tökum hús á og njótum óviðjafnanlegrar gestrisni fjallafólksins sem ber óttablandna virðingu fyrir háfjöllunum. Í huga þess er tindurinn Toubkal fjall fjallanna og rétt að hafa það í huga á göngu okkar.

Gert er ráð fyrir gistingu í 2gja manna herbergjum, nema á gistiheimilinu og í Neltner skála, þar sem allt að 4 eru saman í herbergi í svefnpokaplássi . Tveir deila með sér tjaldi og matast er  í matartjaldi.

Hafa samband

Dagskrá

Dagur 1 - Keflavík – Marrakech – Aït Souka 
Koma til Marrakech þar sem staðarleiðsögumaður tekur á móti hópnum og ferðinni er haldið áfram til þorpsins Aït Souka þar sem við komum okkur fyrir á notalegu gistiheimili. Kvöldverður að hætti innfæddra. Kvöldverður

Dagur 2 - Aït Souka – Tizi -n- Tamatert – Ouanesekra
Í dag hefst gangan og við höldum upp í Tamatert skarðið (2279m) ofan við þorpið og niður í dalinn handan skarðsins  í óviðjafnanlegu umhverfi að tjaldstað nálægt þorpinu Ounesekra. Fullt fæði

Dagur 3 - Ouanesekra – Tizi -n- Likemt – Azib Likemt
Leiðin liggur upp í Likemt skarðið (3550 m) og við fetum krákustíga þangað upp og getum úr skarðinu notið útsýnis yfir hlíðar og dali gærdagsins. Eftir gott stopp í eða undir skarðinu höldum við göngunni áfram niður að Likemt þar sem næsti tjaldstaður bíður okkar. Fullt fæði

Dagur 4 - Azib Likemt – Assif Tinzart - Tizi –n- Ourai – Agaz Ran
Líklegt er að geita og sauða/geitajarmur veki fólk af værum blundi og eftir morgunverð er lagt af stað inn þröngan og hömrum girtan dal þar sem freistandi er að fá sér sundsprett í einhverjum af þeim mörgu hyljum sem finna má í ánni sem um dalinn liðast. Haldið upp í Ourai skarðið (3109 m) og niður í dalinn Agas Ran þar sem við gistum á gistihúsi. Fullt fæði

Dagur 5 - Agas Ran – Amzouert – Lac d‘Ifni 
Dagurinn í dag er sannkallaður fjalladagur enda fjallasalirnir tilkomumiklir og töfrandi. Við höldum niður Agas dalinn og upp í gegnum þorp inn í Toubkal þjóðgarðinn þar sem ómótstæðilegt tjaldstæði bíður okkar við Ifni vatn sem er stærsta stöðuvatn svæðisins. Fullt fæði

Dagur 6 - lac d´Ifni – tizi n´Ouanoums - Toubkal skáli
Á leið dagsins blasir Toubkal tindurinn við okkur í öllu sínu veldi enda styttist í að við náum hátindinum. Þó er um skarðið tizi n´Ouanoums að fara, áður en við komum að Neltner skálanum þar sem okkur býðst að gista inni og vonandi ná góðri hvíld fyrir toppadaginn framundan. Fullt fæði

Dagur 7 - Toubkal tindur – Toubkal skáli
Í dag er toppadagurinn okkar, hæsti tindur N. Afríku Toubkal (4167 m) bíður okkar og eftir hæðaraðlögun síðustu daga ættum við ekki að hafa mikið fyrir því að komast þangað upp. Af tindinum er gríðarlega fallegt útsýni yfir nærliggjandi svæði og við getum horft til dagleiðanna fram að þessu. Við höldum svo til baka niður í skálann og getum slalkað á og notið þessa dásamlega dagsverks. Fullt fæði

Dagur 8 - Toubkal skáli - Imlil - Marrakech
Í dag lýkur göngu okkar um þessa fögru fjallasali með göngu niður til þorpsins Imlil. þaðan ökum við til borgarinnar Marrakech 
og getum notið þess sem borgin hefur upp á að bjóða,rölt um völundarhús medínunnar eða skellt okkur í hammam – baðhús innfæddra. Þessa síðustu nótt er gist á Riad TAWARGIT, þar sem við getum notið þæginda eins og þau gerast best á gististöðum heimafólks. Sameiginlegur kvöldverður á Riad Omar. Fullt fæði

Dagur 9 - Marrakech – Keflavík
Ævintýri í Marokkó er á enda og dagurinn fer í flug heim sem hefur að jafnaði verið gerlegt á einum degi.  Akstur á flugvöllinn. Morgunverður

Verð frá:

139000 kr

Framboð ferðar:

  • JAN
  • FEB
  • MAR
  • APR
  • MAÍ
  • JÚN
  • JÚL
  • ÁUG
  • SEP
  • OKT
  • NÓV
  • DES

Currency Settings

Choose your currency

Please note that our currency exchange rate is taken from the Icelandic Central Bank and might differ slightly from your bank's currency rate. Additionally, all charges are made in Icelandic Krona (ISK).

Select currency:

Iceland Rovers - Search

Looking for something special?

Subscribe to our mailing list

* indicates required
You may also like to receive:

Hafa samband