Jordan Trail - frá Dana til Petra

Jordan Trail - frá Dana til Petra

Erfiðleikastig
Hófleg, Miðlungs
  • 1
  • 2
  • 3
  • 4
  • 5

Hvað er innifalið
Allt nema flug og 1 hádegisverður

Brottfarir
9. apríl 2020

Lengd ferðar
9

Gisting
Einsmannsherbergi/tjald kostar 41.000 kr

Hópastærð
hámark 16

Fararstjóri Leifur Örn Svavarsson

Leifur Örn Svavarsson

Fararstjóri

Leifur Örn Svavarsson var einn af stofnendum Íslenskra Fjallaleiðsögumanna 1994 og er enn í dag einn af aðaleigendum fyrirtækisins. Hann hefur farið allar helstu ferðir ÍFLM sumar sem vetur, jafnt innanlands sem utan og er einn reyndasti fjallaleiðsögumaður landsins.

Í maí 2013 varð Leifur Örn fyrsti Íslendingurinn til að komast á topp hæsta fjalls jarðar, Everest, með því að fara upp norðanmegin.

Leifur hefur farsællega stýrt leiðöngrum Íslenskra Fjallaleiðsögumanna á hæstu fjöll margra heimsálfana eins og Elbrus - hæsta fjall Evrópu, Aconcagua- hæsta fjall Suður Ameríku, Denali/Mt. McKinley- hæsta fjall Norður-Ameríku og  Mt. Vinson- hæsta fjall Suðurheimskautslandsins.

Grænland og heimsskautasvæðin eru heimavöllur Leifs.  

Leifur er jarðfræðingur frá Háskóla Íslands með framhaldsmentun í snjóflóðum.  

Leifur hefur stýrt fjallgöngu og jöklaleiðsagnarhluta Íslenskra Fjallaleiðsögumanna og séð um þjálfun jöklaleiðsögumanna sem yfirleiðsögumaður. Leifur hefur verið fararstjóri í fleiri ferðum á Hvannadalshnjúk heldur en tölu verður á komið, auk ferða á Hrútsfjallstinda, Þverártindsegg, Sveinstind og göngu og skíðaferða á aðra hæstu jökla og fjallstinda landsins.
Þrátt fyrir að öðru hverju megi ná Leifi á skrifstofu Íslenskra Fjallaleiðsögumanna unir hann sér best með ísexi í hönd eða skíði á fótunum.



Um auðnir og vinjar Jórdaníu
Í vor könnum við nýjar slóðir og höldum til Jórdaníu. Gönguleiðin frá Dana til Petra er hluti af lengri leið, frá norðri til suðurs eftir austurbrún sigdalsins sem liggur eftir Jórdaníu endilengri. Leiðin öll er uþb 650 km löng og fjölbreytni í landslagi og vistkerfum gerir leiðina forvitnilega enda gengið frá frjósömum landsvæðum norðursins að eyðimerkurjaðrinum við Dauðahafið. Margir telja leiðina milli Dana og Petra mikilfenglegasta hluta leiðarinnar þar sem saman fara stórkostlegt landslag og menningarminjar. Heildargönguvegalengd ferðarinnar er 80 km. 

Brottfarir

Loading...

Dagskrá

Dagur 1 Koma til Amman og akstur til Dana
Hópurinn er sóttur á flugvöllinn og ekið beint til Dana þorpsins sem er ævafornt og á jaðri stæsta friðlands Jórdaniu.

Dagur 2 - Ganga frá Dana til Wadi Feynan
Haldið af stað og við lækkum okkur úr 1200 metra hæð niður í Dana dalinn og Dana Friðlandið. Í friðlandinu eru 4 ólík vistkerfi/jarðfræða svæði svo að fjölbreytiliekinn er töluverður þegar kemur að fuglum, plöntum og dýralífi almennt. Griffin gammur gæti verið á sveimi og ekki er ólíklegt að við sjáum litskrúðugar eðlur í vegkantinum. Við sólsetur er síðan stutt ganga frá gistiheimilinu uppá nærliggjandi hæð þar sem boðið er uppá te meðan fylgst er með sólsetrinu yfir Wadi Arabia eyðimörkinni.  
Gist á Feynan „ecologde“ hótelinu. Fullt fæði
Vegalengd 14 km með 230 metra hækkun og 1140 m lækkun

Dagur 3 - Ganga fra Wadi Feynan til Furon
Í Wadi Feynan hefur kopar verð unnin úr jörðu síðastliðin 3.000 ár.  Námuvinnslan náði hámarki þegar Rómverjar réðu námunum en þá voru milljónir tonna af málmgrýti bræddar og málmar fluttir um allt Rómaveldi.  Enn í dag má sjá himinháa gjallhauga og rústir frá þeim tíma. Við göngum upp með fjöllunum og gistum í tjöldum í auðninni í Furon. Fullt fæði
Vegalengd 19 km

Dagur 4 - Ganga frá Furon til Ghbour Whedat 
Við göngum áfram eftir aldagömlum kindagötum Bedúínanna meðfram Sharah fjöllunum. Svört fjöllin gnæfa yfir okkur og brött gil eru neðan götunnar. Leið okkar liggur hærra og um leið og við hækkum okkur meira eykst útsýnin yfir stórfenglega eyðimörkina. Gist í tjöldum í Ghbour Whedat. Fullt fæði
Vegalengd 17 km.  750 m hækkun og 920 m lækkun

Dagur 5 -  Ganga frá Ghbour Whedat til Litlu Petru
Á leiðinni eru óteljandi minjar frá þeim tímum þegar Nabataear réðu ríkjum á svæðinu. Nabatear voru við völd frá 4 öld fyrir krist allt þangað til Rómverjar lögðu undir sig svæðið uþb árið 100. Við munum staldra við Ba´ajah rústirnar, og geta virt fyrir okkur ýmsar aðrar minjar frá horfinni tíð svosem vín- og ólífupressur, vatnstankar og brunnar ásamt þeim ótrúlegu minjum  sem meitlaðar eru í bergið í Litlu Petru. Gistum í "Seven Wonders Camp“ tjaldbúðunum í Litlu Petru. Fullt fæði
Vegalengd 14 km

Dagur 6 - Ganga frá Litlu Petru til Petru 
Við göngum bakdyramegin inn í Petru.  Fylgjum gömlum götum frá tímum Nabataea ríkisins, utan hins hefðbundna ferðamannastraums. Góður stígur leiðir okkur að Vadi Ghurab sandsteinsfjöllunum sem varða inngang Petru.  Þaðan leiða þröng einstigi okkur um leyndardóma hinnar fornu borgar, sem er stórkostlegt sjónarspil fornra halla meitlaða inn í sandsteinsveggina. Úr gömlu borginn göngum við síðan um Vadi Muthlim til Wadi Musa og hótelsins okkar í Petra. Gist á 4 stjörnu hótelinu Petra Moon Hotel. Fullt fæði
14 km ganga

Dagur 7 - Petra til Wadi Rum
Við gefum okkur góðan tíma til þess að skoða Petru og ganga um fáfarna staði utan alfararleiðar.  Við skoðum „Facades Treet“ rústirnar sem eru ristar í bergið og fylgja bröttum þrepum nálægt Al Khubtha til þess að fá gott útsýni yfir borgina áður en við höldum aftur að aðalinnganginum.  
Frá Petru ökum við til Wadi Rum og förum á jeppum út í eyðimörkina (um 2 tíma akstur) . Við fylgjum horfnum fotspourm Arabíu Lárens um sandöldur og steinbrýr áður en við komum inn í Bedúína tjaldbúðirnar þar sem við njótum gestrisni heimafólks, snæðum kvöldmat og gistum þar um nóttina. Stjörnubjartur eyðimerkurhiminn Wadi Rum þykir engu líkur. Gisting í Sun City Camp tjaldbúðunum. Fullt fæði

Dagur 8 -  Wadi Rum til Dauða hafsins
Eftir morgunmat kveðjum við Bedúínana og ökum til Dauðahafsins, sem er heila 418 metra undir sjávarmáli og lægsti staður jarðkringlunnar. Hérna gefst okkur kostur á að slaka á eftir göngur undanfarinna daga, reyna flotið í söltu vatninu eða farið í leirbað. Gisting á 5 stjörnu hóteli. Hálft fæði

Dagur 9 - Dauða hafið, akstur á flugvöllinn og flogið heim
Akstur frá Dauðahafinu beint á flugvöllinn í Amman þaðan sem flogið er heim.

Verð frá:

396000 kr

Framboð ferðar:

  • JAN
  • FEB
  • MAR
  • APR
  • MAÍ
  • JÚN
  • JÚL
  • ÁUG
  • SEP
  • OKT
  • NÓV
  • DES

Currency Settings

Choose your currency

Please note that our currency exchange rate is taken from the Icelandic Central Bank and might differ slightly from your bank's currency rate. Additionally, all charges are made in Icelandic Krona (ISK).

Select currency:

Iceland Rovers - Search

Looking for something special?

Subscribe to our mailing list

* indicates required
You may also like to receive:

Hafa samband