Snjalltæki geta verið gagnleg verkfæri í útivistinni ef þú veist hvernig á að nota þau. Á þessu þriggja tíma námskeiði verður farið yfir öllu helstu atriðin sem skipta máli í rötun með snjalltækjum auk nokkurra gamaldags aðferða sem geta skipt sköpum þegar á reynir.

Námskeiðið er hugsað fyrir alla sem hafa gaman að útivist, gangandi, skíðandi eða hjólandi, og er tilvalið fyrir byrjendur jafnt sem reynslubolta sem viljað læra nýjar leiðir í rötun.

Að mestu verður stuðst við smáforritið Gaia GPS til rötunar og Google Earth sem kortaforrit til að skipuleggja leiðir. Einnig verða smáforritin Avenza Maps (Ískort), Locus Maps, FATMAP, Strava og Wikiloc kynnt til leiks.

Farið verður í:

• Rafhlöðuendingu og leiðir til að draga úr mögulegum vandamálum.
• Uppsetningu á leiðum og punktum og færslu milli forrita.
• Rötun með GPS smáforriti, með og án áttavita.
• Kostir og gallar snjallsímans samanborið við GPS tæki.
• Helstu GPS smáforrit og hvers vegna kort á pappír geta verið frábær viðbót.
• Áttaviti, stefnur og misvísun.
• Skipulagning leiða í Gaia GPS og FatMap.
• Kynning á InReach tækni fyrir útivist (leiðangrar og stærri ferðir).

Nemendur þurfa að hafa Gaia GPS smáforritið upp sett á símunum sínum (frí útgáfa nægir).