Nú bjóðum við upp á námskeið fyrir reynda fjallaskíðaiðkendur sem vilja stíga skrefið til fulls og skíða niður snæviþakta jökla. Ívar Finnbogason fer yfir allt það helsta sem þarf að hafa í huga áður en farið er á jökul.

Á þessu þriggja daga námskeiði er farið í almenn atriði sem snúa að ferðamennsku á snæviþöktum jöklum, þar sem þarfir skíðafólks eru hafðar að leiðarljósi. Námskeiðið samanstendur af kynningarkvöldi og tveggja daga útikennslu á jökli. Farið er á Sólheimajökul annars vegar og Eyjafjallajökul hins vegar.

Námskeiðið hefst á léttri kynningu seinnipart dags þar sem farið er yfir búnað og línuvinnu til að leggja grunnin að árangursríkri útikennslu.

Fyrri dagur útikennslunnar fer fram á Sólheimajökli þar sem farið verður yfir þekkingu á þeirri línuvinnu sem þarf til að framkvæma árangursríka sprungubjörgun. Þá verður farið sérstaklega yfir þau atriði sem kunna að koma upp þegar ferðast er á skíðum.

Seinni dag útikennslunnar verður haldið til fjalla og stefnan tekin á að skíða niður Eyjafjallajökul. Á leiðinni gefst tækifæri til að ferðast í línu en auk þess verður sett upp sprungubjörgun. Þar verður farið í þau atriði sem koma upp þegar unnið er í snjó og tryggingar eru settar upp.

Dagsetningar:

Kynningarkvöld - 18. mars 2021: 18:00 - 22:00 á skrifstofu Íslenskra Fjallaleiðsögumanna, Bankastræti 2. Fjöldi þátttakenda ræðst af sóttvarnarreglum hverju sinni.

Dagur 1, Sólheimajökull - 20. mars 2021: 9:00 - 18:00. Við hittumst klukkan 09:00 við aðstöðu Íslenskra Fjallaleiðsögumanna við Sólheimajökul.

Dagur 2, Eyjafjallajökull - 21. mars 2021: 8:00 - 18:00.

Nánari upplýsingar [email protected]

Lágmarks aldur: 16 ára