Við hittumst á bílastæðinu fyrir framan Sólheimajökul. Leiðsögumaður tekur á móti hópnum og ekur honum stutta vegalengd að höfuðstöðvum Arcanum undir Mýrdalsjökli. Þar er farið í stærri bíl sem keyrir hópinn upp í 750m metra hæð þar sem gangan hefst. Á göngunni sér maður bersýnilega hvernig jöklar landsins hafa mótað landslagið. Gangan er að mestu leiti niður í móti þar sem gamalli smalaleið er fylgt meðfram jökulrönd Sólheimajökuls. Á leiðinni njótum við útsýnisins yfir suðurlandsundirlendið, yfir jökullinn og fetum okkur í gegnum gil niður meðfram jökulröndinni. Ferðin endar á bílastæðinu við Sólheimajökul þar sem bílarnir bíða eigenda sinna. 

Þeir sem eru að leita að fallegri göngu í ósnortinni íslenskri náttúru ættu ekki að láta Smalaleiðina framhjá sér fara. 

Fyrir frekari upplýsingar, hópaverð og bókanir hafið samband með tölvupósti á [email protected] 

Lágmarks aldur: 14