Hvannadalshnúkur

Mynd © Björgvin Hilmarsson

Hvannadalshnúkur

Verð frá
48900 kr.

Erfiðleikastig
Erfið

  • 1
  • 2
  • 3
  • 4
  • 5

Hvað er innifalið
Leiðsögn sérmenntaðs leiðsögumanns og allur nauðsynlegur búnaður til jöklaferða

Brottfarir
Sumarið 2020 bjóðum við upp á staðfestar brottfarir í kringum helstu ferðahelgarnar og sérbrottfarir fyrir einstaklinga og hópa aðra daga eftir samkomulagi.

Lengd ferðar
12-15 klst. ganga

Upphafsstaður
Skáli Íslenskra fjallaleiðsögumanna við þjónustumiðstöðina í Skaftafelli

Hópastærð
Lágmark tveir þátttakendur og hámark 6 í línu

Athugið
Frekari upplýsingar á fjallaleidsogumenn@fjallaleidsogumenn.is

Hvannadalshnúkur er hæsti tindur landsins og vinsæl áskorun fyrir þá sem eru komnir af stað í gönguferðum og fjallgöngum. Af þessum ástæðum hefur ferð okkar á Hvanndalshnúk verið vinsælasta ferð Íslenskra Fjallaleiðsögumanna hjá Íslendingum frá því að fyrirtækið byrjaði að leiðsegja á Hnúkinn 1994.

Hvannadalshnúkur býður upp á einstakt útsýni í allar áttir. Sjá má yfir endalausar fannbreiður Vatnajökuls, svarta strandlengju Skeiðarársands, hrikalega Hrútsfjallstinda og bratta skriðjökla Öræfajökuls. Þetta samspil stórbrotinnar náttúru og gefandi útivistar dregur Íslendinga sem og erlenda ferðamenn að Hvannadalshnúki, hátindi Öræfajökuls, ár hvert.

Ganga á Hvannadalshnúk reynir á úthald og viljastyrk gesta okkar, en í fylgd reyndra jöklaleiðsögumanna er ekki þörf á neinni sérhæfðri kunnáttu. Í ferðum okkar á Hvannadalshnjúk miðum við við hámark 6 gesti á hvern jöklaleiðsögumann við bestu aðstæður. Þegar líða tekur á sumarið og sprungur opnast meira lækkum við hlutfallið eftir aðstæðum.

Reglulegar brottfarir eru helstu ferðahelgar sumarsins en einnig er hægt að bóka sérbrottfarir fyrir hópa alla daga (sjá að neðan).

Fyrir frekari upplýsingar sendið tölvupóst á fjallaleidsogumenn@fjallaleidsogumenn.is

Langar þig að prófa Hnúkinn á fjallaskíðum? Skoðaðu þá ferðina Hvannadalshnúkur á fjallaskíðum

Íslenskir Fjallaleiðsögumenn hafa alla tíð boðið upp á persónulega og faglega þjónustu í litlum hópum. Fjallgöngur á borð fyrir Hvannadalshnúk eru ávallt í litlum hópum, 2-6 manns á hvern leiðsögumann. Þessir staðlar gera okkur kleift að bjóða upp á krefjandi og spennandi ferð um leið og við förum eftir tilmælum almannavarna og landlæknis varðandi fjölda og fjarlægðar milli einstaklinga. 

Lágmarks aldur: 16 ára

Búnaðarlisti

Dagsferð á jökul

Hvannadalshnjúkur / Hrútafellstindar / Þverártindsegg

 Bakpoki 30-45L

 Vatns og vindheldur öndunarfatnaður, buxur og jakki

 Sterkir gönguskór (hægt að leigja af ÍFLM)

 Legghlífar

 Síðerma bolur úr ull eða gerviefnum

 Göngubuxur eða fleece buxur

 Ullarsokkar / göngusokkar

 Góð sólgleraugu cat. 3-4

 Sólarvörn (30 eða meira)

 Hlý peysa (ull eða fleece)

 Auka peysa til að nota í pásum og á köldum dögum (eða léttur dún / fiber jakki

 Húfa og vettlingar (þunna og þykka)

 Nesti (2-6 samlokur og súkkulaði og annað nasl)

 Vatn (allt að 3L, leitið ráða hjá leiðsögumanni fyrir ferð)

 Myndavél

 Göngustafi (stillanlega skíðastafi)

Snemma á vorin (apríl, maí) er nauðsynlegt að vera með hlýrri föt og ekki úr

vegi að hafa einnig skíðagleraugu og vindeldar lúffur/vettlinga með í för.

Frekari upplýsingar:

Fatnaður:

Að fara á Hnúkinn tekur milli 10 og 15 tíma að jafnaði. Búast má við hitastigi á bilinu

–10°C og upp í 20°C á hvaða árstíma sem er. Besta leiðin til að vera undirbúinn undir

þennan mikla hitamun er að klæða sig í lögum. Þannig er hægt að fara úr í miklum

hita eða auka við fatnað eftir því sem ofar dregur og kólnar. Það er mjög mikilvægt

að klæðast fatnaði næst húðinni sem ekki dregur í sig raka. Ull og ýmis gervi efni eru

mjög góð. Bómull er alger bannvara á fjöllum! Útivistarverslanir hafa mikið framboð

af góðum innanundirfatnaði og geta gefið góð ráð um val á honum. Þunnir langerma

bolir gefa besta vörn á sólar dögum!

Matur og drykkur:

Á meðan á fjallgöngunni stendur er stoppað nokkrum sinnum í lengri og skemmri

tíma til að nærast og drekka. Mjög gott er að hafa nesti sem samanstendur af

sælgæti, t.d. súkkulaði, sem borða má í stuttum pásum og samlokum sem gefa

langtíma orku og borða má í lengri hléum.

Það er sjaldgæft að göngumenn nái ekki toppnum vegna þreytu. Þegar slíkt kemur

fyrir er það venjulega vegna vöðvakrampa. Vöðvakrampar verða til vegna samblands

áreynslu, vökva- og steinefnaskorts. Besta leiðin til að koma í veg fyrir krampa er að

drekka mikið af vökva. Hægt er að blanda ýmiskonar orkudrykkjum út í vatn til að

bæta upp steinefna- og orkuskort.

Best er að velja orkudrykki sem hafa mikið af steinefnum en ekki eingöngu kolvetni.

Styrkur blöndunnar ætti að vera um ½ af því sem framleiðandi mælir með.

Vatnið ætti að bera þannig að hægt sé að ná í það á göngu og ekki þurfi alltaf að taka

af sér bakpokann til að drekka. Góður kolvetnaríkur morgunmatur hjálpar til [múslí,

brauð, o.þ.h.] og ekki er verra að drekka mikið áður en lagt er af stað. Kaffidrykkju

ætti þó að stilla í hóf þar sem hún leiðir til frekara vökvataps.

Drekka, drekka,og drekka svo meira!

Æfingar:

Yfirgnæfandi meirihluti þeirra sem leggja í göngu á Hvannadalshnjúk með ÍFLM ná

toppnum. Þegar það gerist ekki er það oftast vegna veðurs. Engin ætti þó að

vanmeta Hnjúkinn. Gangan er löng og dagurinn erfiður. Jafnvel fyrir fólk í mjög góðu

formi!

Allir ættu því að æfa sig áður en lagt er á brattann. Esjan, Móskarðshnúkar, Vífilfell,

Skarðsheiði og Akrafjall eru nokkur dæmi um fjöll sem eru aðgengileg og skemmtileg

til að byggja upp þol.

Kær kveðja og góða ferð,

Starfsfólk Íslenskra fjallaleiðsögumanna

Bóka ferð

Staðfestar brottfarir sumarið 2020

Bóka sérbrottfarir fyrir einstaklinga og hópa.

Verð miðast við stærð hóps, að hámarki 12 einstaklingar (tveir leiðsögumenn, sex í línu).

Currency Settings

Choose your currency

Please note that our currency exchange rate is taken from the Icelandic Central Bank and might differ slightly from your bank's currency rate. Additionally, all charges are made in Icelandic Krona (ISK).

Select currency:

Iceland Rovers - Search

Looking for something special?

Skráðu þig á póstlista Íslenskra Fjallaleiðsögumanna!

* verður að vera útfyllt

Hafa samband