Marokkó - Siroua

Erfiðleikastig:

AUÐVELT

ERFITT

Verð frá:  

Fullorðinn: 169.000

Brottfarir: 8. - 16. apríl 2017 - Páskaferð!

Lengd: 9 dagar

Hópastærð: Lágmark 6 hámark 16

Dagleiðir: 4 - 7 klst

Athugið: Verð miðast við lágmark 6 farþega og er án flugs

  • Lýsing ferðar

    Ógleymanleg ferð um Siroua fjallendið í Anti Atlas fjöllunum og sandöldur Sahara. Við sameinum hér gönguferð þar sem gengið er um fornar þjóðleiðir og þorp Berbanna  í Siroua og ævintýraferð inn í eyðimörkina á vit Bedúína. 

    Verð: 169.000 kr
    miðast við 8 farþega og er án flugs

    Fararstjóri: Ingibjörg G. Guðjónsdóttir

    Innifalið í verði:

    • íslensk fararstjórn
    • staðarleiðsögumaður
    • kokkur
    • trúss á múlösnum
    • allur akstur eins og fram kemur í leiðarlýsingu
    • 3 nætur í tjaldi
    • 2 nætur á 3*hóteli í Marrakech
    • 2 nætur á hótelum utan Marrakech
    • 1 nótt í hefðbundnum Bedúína tjaldbúðum
    • Allur matur meðan frá morgunverði á degi 2 til morgunverðar á degi 9

    Gert er ráð fyrir gistingu í 2gja manna herbergjum á hótelinu og tveir deila með sér tjaldi. Matast er í matartjaldi

    Ekki innifalið í verði:

    • Flug til og frá Marrakech
    • Persónulegur búnaður eins og fram kemur á búnaðarlista
    • Drykkir og perónuleg neysla
    • Þjórfé
    • Ferða- slysa- og farangurstrygging
    • Önnur þjónusta sem ekki er tekin fram í liðnum innifalið í verði

    Loka

  • Dagskrá ferðar

    Dagur 1: Marrakech
    Við komuna til Marrakech hittum við staðarleiðsögumanninn okkar og förum með honum á hótel. Við komum okkur fyrir og leiðsögumaður fer yfir ferðatilhögunina. Upplagt er að rölta að Jemaa el Fna torginu og skoða margbreytilegt lífið þar fyrir háttinn.

    Dagur 2: Marrakech – tizi n´Test – Taliouine – Tislit
    Við ökum frá borginni austur til fjallanna. Leiðin er litrík, rauður jarðvegur, grænir hveitiakrar og fjölmargt annað framandi ber fyrir augu. Í þorpinu Ouirgane sem er við fjallsræturnar snæðum við hádegisverð áður en leiðin liggur upp í skarðið tizi n´Test (2130m) þaðan sem gott útsýni er til nærliggjandi fjalla. Áfram er haldið um Taliouine héraðið þar sem Arganar búa. Við erum stödd á mörkum anti Atlas og Souss sléttunnar og hækkum okkur upp á hásléttuna og erum brátt á áfangastað þar sem múlasnar eru hlesstir, við reimum skóna okkar og leggjum í göngu dagsins. Á tveimur tímum náum við á áfangastað og tjöldum til þessarar fyrstu nætur í mikilfenglegri gjá í 1544 m hæð.

    Dagur 3: Tislit – Ait Amrane – Aghbalou Tizgui
    Dagleiðin í dag byrjar í afar eyðilegu landi en fljótlega ber okkur um ræktarlönd heimafólks sem hugvitssamlegar áveitur gera möguleg. Hveiti og saffran eru helstu nytjaplöntur svæðisins og aldrei að vita nema við getum prúttað við kaupmann í einhverju þorpinu um kaup á dýrustu kryddjurt veraldar. Leiðin liggur um afskekkt þorp þar sem tíminn virðist hafa staðið í stað. Húsin eru eins og hengd utan í fjallshlíðarnar og það eina sem stingur í stúf við brúngráan lit þeirra eru litríkar hurðir og klæði kvenna og barna. Við höldum áfram upp á við og nemum staðar eftir uþb 6 klst göngu við Aghbalou Tizgui þar sem við sláum upp tjöldum í 2400 m hæð.

    Dagur 4: Aghbalou Tizgui –Guiliz hryggur (2900m) – azib Tagrara
    Við höldum áfram ferð okkar upp á við og tökumst á við fyrsta fjallstindinn okkar í dag Guiliz tindinn. Þangað ættum við að ná á þrem tímum og enginn verður svikinn af því sem þar bíður okkar, óviðjafnlegt útsýnið yfir Siroua dalinn og sjálfan Siroua tindinn. Áfram liggur svo leiðin um heiðalönd þar sem líklegt er að við rekumst á geitahirða með hjarðir sínar og sel þeirra hátt í fjallshlíðum. Við sláum upp tjöldum við lítinn læk rétt við Tagragra hella þar sem fjárhirðar Beni M’Zguid ættbálksins halda til. Göngutími 5klst.

    Dagur 5: Azib Tagrara – Foum Zguid 
    Við ljúkum göngunni í dag og leggjum af stað akandi að eyðimörkinni, sjálfri Sahara. Í dag liggur leið okkar til vinjarinnar Foum Zguid þar sem við komum okkur fyrir á þægilegu gistihúsi og fáum okkur svo gönguferð um pálmalundi þessarar vinjar. Gist í tveggja manna herbergjum. Kvöldverður á gistihúsinu. Akstur ~ 4 klst

    Dagur 6: Foum Zguid – Chegaga 
    Eftir morgunverð höldum við ferð okkar áfram og komum til Chegaga þar sem sandöldur Sahara taka á móti okkur og hefðbundnar bedúína búðir bíða okkar. Við njótum þess að hverfa tilbaka á vit þeirra tíma þegar úlfaldalestir fluttu varning um Sahara pg Marokkó til stranda Atlantshafsins og áttu vísa gistingu í svipuðum dúr og það sem okkur stendur til boða. Fyrir ógleymanlegt sólarlag er upplagt að röltu inn í sandhafið og finna sér eina sandöldu. Gist í hefðbundnum bedúína tjaldbúðum og enn og aftur njótum við gómsætrar matargerðar heimafólks. Akstur ~ 3 klst

    Dagur 7: Chegaga – Mhamid – Zagora - Agdz 
    Í dag hefst ferðin til baka til Marrakech en við segjum ekki alfarið skilið við eyðimörkina því í Mhamid þá förum við í stutta gönguferð inn í sandöldurnar. Leiðin liggur svo um Draa dalinn og við endum daginn í vininni Agdz þar sem gist er í ævintýralegu kasbah í þessu heillandi umhverfi og hægt að fá sér gönguferð um pálmalundi svæðisins. Kvöldverður á gistihúsinu. Akstur ~ 5klst

    Dagur 8: Agdz – Ait Ben Haddou – Telouet – Marrakech 
    Við ljúkum ferð okkar um sveitir landsins í dag og enn og aftur kemur menning landsins okkur á óvart í þorpinu Ait Ben Haddou, sem upphaflega var víggirt þorp á hinni vinsælu verslunarleið frá Sahara til Marrakech. Síðan 1987 hefur elsti hluti þorpsins verið á heimsminjaskrá UNESCO. Húsagerðin er dæmigerð leirsteins hönnun sem tíðkast enn víða í Marokkó og við sjáum einnig dæmi hennar í þorpinu Telouet. Í eftirmiðdaginn  komum við til stórborgarinnar Marrakech þar sem við dveljum þessa síðustu nótt á hóteli rétt við gömlu medínuna og stóra torgið Djeema el Fna þar sem lífið hefst eftir að rökkva tekur. Kvöldverður á veitingastað rétt hjá torginu. Akstur ~ 6 klst

    Dagur 9: Marrakech – Keflavík
    Þá er dvöl okkar í þessu heillandi landi á enda og við höldum til baka heim á Frónið

    Loka

Vinsamlegast hafið samband við okkur fyrir frekari upplýsingar um brottfarir í boði.

Auka þjónustur

  • Heildarverð fyrir alla farþega:

    0kr.