Inca Trail - Páskar 2017 - IMG1126

Erfiðleikastig:

AUÐVELT

ERFITT

Verð frá:  

Fullorðinn: 399.000

  • JAN
  • FEB
  • MAR
  • APR
  • MAY
  • JUN
  • JUL
  • AUG
  • SEP
  • OCT
  • NOV
  • DEC

Brottfarir: Maí 2018

Lengd: 12 dagar

Hópastærð: lágmark 10

Dagleiðir: 4 - 7 klst

Athugið: Verð miðast við 10 þátttakendur og er án flugs

Spurningar? fyrirspurn@fjallaleidsogumenn - hafðu samband

  • Lýsing ferðar

    Ævintýraferð á slóðir Inkanna með Íslenskum Fjallaleiðsögumönnum

    Í maí 2018 liggur leiðin til Perú og verður gengið um Inkaslóðir eftir hinni alkunnu Inkaleið til borgarinnar Machu Picchu, sem er ein merkasta borg frá valdatímum Inkanna

    Leiðin liggur frá Cusco, um dali og skörð í óviðjafnanlegu fjalllendi Perú þar sem fornar rústir eru á hverju strái á milli þorpa og akra heimafólks. Inkastígurinn er án efa ein af frægari gönguleiðum heims og Machu Picchu sem líka er þekkt sem týnda borgin, var ekki uppgötvuð af umheiminum fyrr en fornleifafræðingurinn Bingham fann hana 1911. Þá höfðu rústir hennar staðið þarna um aldur því hún var byggð löngu fyrir daga hvíta mannsins í nýja heiminum. Borgin er eins og margar aðrar rústir Inkanna á heimsminjaskár UNESCO.

    Verð: 399.000 kr 

    Fararstjóri: í vinnslu

    Loka

  • Dagskrá ferðar

    Dagur 1   Koma til Cusco höfuðborgar Inkana

    Við komum snemma að morgni til Cusco, hinnar fornu höfuðborgar Inkanna.  Á móti okkur tekur staðarleiðsögumaðurinn okkar og fer með okkur á hótelið þar sem við dveljum þessa fyrstu nótt ferðarinnar. Við stefnum á rólegan dag í borginni.  Það er ekki aðeins að við séum að koma úr löngu næturflugi heldur er borgin í 3.200 m hæð yfir sjávarmáli þannig að það er gott að taka sér tíma til þess að vengjast hæðinni. 

    Það er stutt ganga frá hótelinu á aðaltorg bæjarins, Plaza de Armas þar sem fjölda kaffihúsa, veitingarstaða og handverks- og minjagripabúða er að finna. Þar er upplagt að eyða deginum og virða fyrir sér mannlíf og byggingar frá tímum Inka og einning frá því að Cusco var höfuðborg hinnar spænsku nýlendu.

    Frjáls dagur í borginni og kvöldmatur á eigin vegum.  

    Daur 2 Skoðunarferð um Cusco og nágrenni
    Það er heilmikið að sjá í Cusco og við munum nota daginn til þess að fara í skipulagða skoðunarferð um bæinn og nágrenni hans.  Staðarleiðsögumaðurinn okkar mun fræða okkur um þessa fornu Inkaborg og þær umfangsmiklu breytingar sem orðið hafa síðan Francico Pizarro náði borginni á sitt vald 1535 og veldi Inkanna leið undir lok. Spánskar kirkjur, hallir og torg ásamt fornum hleðslum Inkana verða viðfangsefni göngunnar. Hápunturinn er eflaust Sacsayhuaman virkið sem stendur hátt yfir Cusco með fallegu útsýni yfir borgina.  Umfangsmiklar hleðslurnar og hvernig gríðaleg björg eru fullkomlega felld saman hafa skipað staðnum verskuldaðan sess á heimsminjaskrá Unesco.  Gangan fer í um 3.700 m hæð og ágætis hæðaraðlögun fyrir næstu daga. 

    Hádegis- og kvöldverður á eigin vegum.

    Dagur 3 Akstur um helgan dal Inkana, ganga gegnum Maras saltnámurnar og heimsókn í hinar viðamiklu rústir Ollantaytambo
    Eftir morgunmat ökum við af stað eftir Urubamba dalnum, hinum helga dal Inkanna. Þegar vegurinn hlykkjast uppúr dalnum fáum við fyrstu sýn á háfjöllin, Vilcabamba tindana og hvassa og tígulega tinda Salkantay og Huayanay. Við beygjum af meginveginum til þess að heimsæka 16. aldar krikjuna í Maras sem er staðsett hátt yfir dalnum.  Þaðan göngum niður við í gegnum umfangsmiklar saltnámur sem hafa verið starfræktar allt frá tímum Inkanna og niður í dalbotninn.  Eftir um 2 tíma göngu er stuttur akstur með Urubamba ánni að Ollantaytambo rústunum.  Við gistum í hóteli í bænum neðan við rústirnar.  Eftir kvöldmat munum við fara yfir dagskrá næstu daga og pakka niður fyrir gönguferð næstu daga. 

    Hádegis og kvöldmatur á eigin vegum  

    11. apríl: Fyrsti göngudagur
    Við hefjum gönguna í Ollantaytambo rústunum og göngum vestur með Urubamba ánni í um 3 klukkustundur uns við komum að dalmótum Silque dalsins þar sem við munum staldra við og snæða hádegismat.  Gengið er um kartöflu- og "quinoa" akra heimamanna að fyrsta tjalstæðinu okkar, Hatunrumiyoc en á hinu forna máli Inkanna, Quechua, þýðir það "Stór steinn"  Tjaldstæðið er í 3.000 m hæð. 
    Göngutími 4-5 klst.  Allur matur innfalinn.

     Dagur 4 Gengið inn í dalbotn Silque dalsins
    Það er falleg ganga upp Silque dalinn.  Yfir dalnum gnæfir Veronica tindurinn 5.700 m hár.  Gangan er fjölbreytt, farið yfir litlar brýr og um þröng gljúfur. Quechua fólkið sem byggir svæðið er með kindur og hesta á beit í dalnum og hefur þar tímabundna árstíðabundna búsetu í seljum. Tjaldsvæðið okkar er í dalbotninum á stað sem kallast Ancascocaha eftir stöðuvatni sem er í um hálftíma göngu ofan við tjaldstæðið. 

    Göngutímu um 5 klst og allur matur innifalinn. 

    Dagur 5 Ancascoca skarðið on niður í Muyu Muyu (3810 m)
    Það mun taka okkur um 3 klukkustundir að ganga framhjá fossum og litlum vötnum upp í  Ancascocha skarðið sem er 4.625 m hátt.  Úr skarðinu er útsýni yfir djúpa dali og bratta skógivaxna hryggi.  Í fjarlægð er snævi þaktir tindar Salkantay og Huayanay fjallana.  Við höldum lækkum okkur niður í Qésqa dalinn og tjöldum við Muyu Muyu í 3.810 m hæð. 
    Göngutími 6 klst.  Allur matur innifalinn. 

    Dagur 6 Frá Muyu Muyu að Paucarcancha rústunum (3048 m)
    Við göngum áfram niður fallegan dalinn og framhjá nokkrum smáþorpum að bænum Q´esqa. Óhætt er a segja að umhverfið sé tilkomumikið þar sem skriðjöklar velta niður hlíðar Huayanay á leið okkar upp úr dalnum. Við lækkum okkur niður á við og stoppum við Inka rústir á leiðinni í tjaldstaðinn í kvöld sem er við hinar halfhringlaga rústir Paucarcancha sem eru í 3048 m hæð. 

    Göngutími 5 – 6 klst. Allur matur innifalinn

    Dagur 7  Frá Paucarcancha rústunum um Llulluchapampa (3810 m) að Phuyupatamarca (3605 m)
    Í dag komumst við inn á hinn eina sanna Inka stíg eftir að hafa farið yfir ána Cusichaca og upp fyrir þorpið Huayllabamba. Áfram liggur leiðin upp í gegnum skóglendiskjarna að tjaldstæðinu við Llulluchapampa. Við njótum óviðjafnanlegs útsýins á Huayanay tindinn á leið okkar og í nær umhverfinu getur að líta ólíkar tegundir af orkídeum eða einhvern þeirra 250 ólíku tegunda af humming fuglunum sem reyndar eru margir hverjir hreint ekki svo líkir öðrum fuglum. Við höldum upp í skarðið Huarmiwanusca (4200 m) sem erkennt við látna konu. Þó engum sögum fari af því hvaða kona lést þar er útsýnið úr skarðinu er fullsæmandi hverjum sem er. Þarna er Huayanay tindurinn í öllu sínu veldi til suðurs og Pacaymayo dalurinn við fætur okkar til vesturs. Við höldum niður dalinn og eftir uþb 2gja tíma göngu byrjum við að hækka okkur upp í næsta skarð Runccuracay (3985 m). Á leiðinni förum við framhjá lítilli krá heimafólks og snæðum nestið okkar í nágrenni hennar. Úr Runccuracay skarði ætti að sjást yfir til Vilcabamba fjallanna í fjarska ef veður leyfir. Hér víkkar stígurinn og nú erum við komin á upprunalega Inca stéttina sem hlykkjast í gegnum skóglendi. Við göngum upp 98 þrepin að Sayacmarca eða hins eina sanna útsýnisstaðar sem er áhrifarík Inka rúst með útsýni til Aobamba dalsins sem liggur uþb 2000 metra fyrir neðan okkur. Við lækkum okkur niður og förum framhjá Qonchamarca áður en við hefjum gönguna upp í þriðja skarð dagsins sem liggur líka í gegnum skóg og f0rn Inka göng. Áfangastaðurinn er Phuyupatamarca (3650m) og í þessu skarði njótum við enn og aftur mikilfenglegs útsýnis m.a. til Urubamba dalsins, Salcantay, Humantay og Vilcabamba fjallanna.
    Göngutími 7 – 8 klst. Allur matur innifalinn 

    Dagur 8 Frá Phuyupatamarca til Machu Picchu
    Við vöknum snemma og höldum upp fyrir tjaldstaðinn til þess að ná sólarupprásinni Salkantay (6271m) og leggjum svo af stað til Machu Picchu eftir að hafa kvatt burðarmenninna og þá sem séð hafa um matseldina fyrir okkur. Leiðin liggur niður 3000 þrep að Inka rústunum Winay Huayna, sem kennt er við eilífa æsku. Áfram er haldið og eftir uþb klukkutíma lækkun og 30 mín hækkun komum við að Inti Punku – sólarhliðinu þaðan sem við sjáum Machu Picchu í fyrsta skipti, sjón sem trúlega á eftir að lifa með okkur. Við höldum í gegnum sólarhliðið og lækkum okkur niður fyrir Machu Picchu og tökum rútu niður í bæinn Machu Picchu (2030 m) þar sem við dveljum á hóteli. Í bænum sem forðum hét Aguas Calientes (heitt vatn) er að finna hverasvæði þar sem hægt er að baða sig og skola af sér ryk undanfarinna daga. Hér er líka að finna fjölda veitingahúsa þar sem við getum fagnað göngulokum.
    Göngutími 5 klst. Allur matur innifalinn

    Dagur 9 MACHU PICCHU
    við tökum daginn snemma og náum í rútu upp til Machu Picchu til þess að eiga nægan tíma til þess að skoða þennan ótrúlega stað. Með í för er staðarleiðsögumaður sem kveikir líf í þessum fornu rústum en gefur okkur líka næði til þess að skoða staðinn. Eftir að hafa skoðað helstu byggingar með staðarleiðsögumanninum er hægt að ganga að Inka brúnni eða leita uppi friðsælan reit í rústunum til þess að hugleiða gang tímans eða einfaldlega drekka í sig andrúmsloftið á þessum sögufræga stað. Við tökum svo eftirmiðdagslestina til Ollantaytambo í hinum helga dal og þaðan rútu yfir skarðið til Cusco þar sem við dveljum á hóteli næstu 2 nætur.
    Eingöngu morgunverður innifalinn, annar matur á eigin vegum 

    Dagur 10 Cusco
    Frjáls dagur í Cusco.
    Eingöngu morgunverður innifalinn, annar matur á eigin vegum

    Dagur 11 Haldið heim á leið
    Hópnum er skutlað á flugvöllinn og leiðin heim hefst.
    Eingöngu morgunverður innifalinn, annar matur á eigin vegum


    Loka

  • Almennar Upplýsingar

    Perú er í Suður Ameríku og liggur á milli Ekvador, Kolombíu, Brasilíu, Bólivíu og Chile og á svo strandlengju að Kyrrahafinu. Landið er uþb 1.3 milljón ferkílómetrar og þar búa tæplega 30 milljón manns. Landið teygir sig frá miðbaug í norðri og suður til rúmlega 18 gráður suðlægrar breiddar. Heitið Perú er upprunnið frá Inkunum og merkir "land gnægtanna" sem varpar ljósi á það hvers vegna landið var hjarta Inkaveldisins. Höfuðborgin er Lima og stendur hún á láglendi vestan undir Andesfjöllunum. Þar búa um 10 milljón manns og er hún þriðja stærsta borgin í Suður Ameríku. Perú er 5 klukkustundun á eftir Íslandi þegar kemur að klukkunni og því er klukkan þar 7 að morgni þegar hún er 12 á hádegi hér á Fróni.

    Loftslag og veður er mjög breytilegt eftir því hvar í Perú maður er staðsettur. Á strandlengjunni og í Lima er hitabeltisloftslag en upp i á hásléttunni og í fjöllunum er mun kaldara. Veðrið í Cusco er þægilegt árið um kring, meðalhitinn 11 °C og vænta má frosts í júlí en sumarhitinn er í kringum 20°C. Veturinn er frá júní og fram í september. Regntíminn er frá september fram í mars.

    Hreinlæti heimamanna í ferðaþjónustu er mjög gott og líklega er óhætt að borða allt sem boðið er upp á, þar með talið ávextir og grænmeti. Ekki er þó ráðlegt að skipta við götusölufólk sem kann að hafa ýmislegt lostæti í boði við fyrstu sýn. Nauðsynlegt er að hugsa vel um vökvabúskap líkamans í fjallagöngum og drekka minnst 2 l á meðan á göngu stendur. Ekki er ráðlegt að drekka úr fjallalækjum hversu freistandi sem það kann að virðast heldur drekka soðið vatn, eða setja þartilgerðar vatnshreinsitöflur í drykkjarvatnið. Kokkurinn sér um að alltaf sé nægt drykkjarvatn til reiðu fyrir göngufólk.

    Mælt er með að ferðafólk til Perú hafi hefðbundnar barnasprautur í lagi, mænusótt, stífkrampa og barnaveiki. Að auki er ráðlegt að láta bólusetja sig fyrir lifrarbólgu A og janvel B, taugaveiki (typhoid) og Gulu (Yellow Fever). Ráðfærið ykkur við heimilislækni eða Heilsugæsluna sem sinnir ferðamannabólusetningum (5851300, símatími 9 – 10 og 15 – 16, daglega nema um helgar). Athugið að gott er að huga að bólusetningum fyrr en síðar!

    Ekki er krafist vegabréfsáritunar til Perú og fá allir Íslendingar 183 daga heimild til þess að ferðast um Perú. Nauðsynlegt er að vera með vegabréf sem gildir amk 6 mánuði lengur en áætlaður brottfarardagur úr landinu.

    Gjaldmiðillin er Nueva Sol (PEN) og jafngildir 1 PEN 35 krónum. Hraðbanka er að finna í öllum stærri borgum landsins og á flestum betri hótelum. Best er að vera með ameríska dollara ef gjaldeyrir er með í för og hafa þá í huga að vera ekki með eitthvað af 5, 10 og 20$ seðlum ef ske kynni að fólk þurfi að redda sér með þeim. Sjálfsagt er að hugað að þjórfé handa starfsliði því sem fylgir hópnum á fjallið.

    Farangur: Merkja skal allar töskur vel og kanna eftir öll tengiflug hvort töskur séu enn á réttri leið (Transfer-desk flugvalla geta hjálpað við það). Gott er að kynna sér reglur flugfélaga varðandi handfarangur.

    Símasamband: Nauðsynlegt er að hafa „multi band“ gsm síma í Perú. Hægt er að notast við íslenskt SIM kort en þá kann kostnaður að vera töluvert hár því ætti fólk að huga að því að kaupa sér perúvískt SIM kort við komuna til Lima.

    Loka

  • Útbúnaðarlisti

     Skór og fatnaður

    • Mjúkbotna gönguskór, mega vera lágir
    • Sandalar eða léttir strigaskór
    • 1 - 2 léttar göngubuxur
    • Stuttbuxur
    • Síðar nærbuxur og 1-2 nærbolir úr ull eða góðu gerviefni
    • 2-3 bómullar bolir
    • 1-2 þunnar flís peysur
    • Nærbuxur
    • Hlýir sokkar (3-4 pör) og þunnir innri sokka fyrir þá sem vilja
    • Utanyfirjakki – góð skel (t.d. goretex) með hettu
    • Utanyfirbuxur - vatnsheldar (t.d. goretex)
    • Lítil eða "milliþykk" dúnúlpa eða gerviefna/primaloft jakki
    • Hlý húfa, sólhattur og buff
    • Fingravettlingar (t.d. flís) og "lúffur" eða belgvettlingar
    • Þægilegur ferðafatnaður

     

    Annar búnaður

    • Bakpoki, 30 - 40 L dagpoki
    • Slitsterk læsanleg taska fyrir annan farangur
    • Lás á tösku
    • Svefnpoki, gott að hafa léttan dúnpoka sem dugar vel fyrir íslenskar aðstæður. Til viðmiðunar þá er þannig poki með ~750 gr dúnfyllingu og heildarþyngd ~1,4 kg. Extreme -30°C/Comfort limit -12°C/Comfort -5°C
    • Einangrunardýna, (valkvætt, við sofum í skálum/gisiheimilum með dýnum)
    • Þunnir pokar til þess að pakka útbúnaði og fatnaði í (valkvætt)
    • Göngustafir (Valkvætt)
    • Vatnsflaska
    • Hitabrúsi (Valkvætt)
    • Vasahnífur (EKKI pakka honum í handfarangur)
    • Ferðahandklæði                          
    • Sólgleraugu
    • Ennisljós og rafhlöður
    • Skyndihjálparpoki: Plástrar og sjúkrateip, lyf: ráðfærið ykkur við heimilislækni varðandi helstu lyf sem eru parasetamol og magnil (verkjastillandi) ibuprofen (bólgueyðandi og verkjastillandi), Diamox (fyrirbyggjandi við hæðarveiki), Cyproxin (sýklalyf við magasýkingu) og Immodium (hægðastoppandi)  önnur lyf eftir þörfum. Acidophilus (Gerlatöflur sem styrkja þarmaflóruna og auka mótstöðu)
    • Sótthreinsandi handspritt
    • Blautklútar til að þvo sér (t.d. Baby Wipes eða Wet Ones)
    • Tannbursti, tannkrem
    • Sólarvörn (30+) og varasalvi (með sólarvörn)            
    • Eyrnartappar
    • Klósettpappír
    • Myndavél, minniskort, auka rafhlöður og hleðslutæki
    • Ipod, með tónlist og jafnvel hljóðbókum
    • Góð bók(Valkvætt)
    • Ferðaskjöl: flugmiði, vegabréf,peningur fyrir aukakostnaði, drykkjum, minjagripum og þjórfé
    • Innanklæðaveski (valkvætt)

    Loka

Vinsamlegast hafið samband við okkur fyrir frekari upplýsingar um brottfarir í boði.

Heildarverð fyrir alla farþega:

0kr.

Þjónustur

    1. Just a tip - You can convert the currency here!