Fjallafólk - Albanía - IMG1111

Verð frá:  

Fullorðinn: 180.000 kr - Staðfest brottför!

  • JAN
  • FEB
  • MAR
  • APR
  • MAY
  • JUN
  • JUL
  • AUG
  • SEP
  • OCT
  • NOV
  • DEC

Brottfarir: 16.8. - 25.8. 2017

Lengd: 10 dagar

Hópastærð: Verð miðast við 12 farþega

Athugið: Verð eru án flugs

  • Lýsing ferðar

    Gönguferð Fjallafólks um Albaniu 16 -25 ágúst 2017

    Verð til Fjallafólks 165.000 kr og miðast við 12 farþega
    Almennt verð: 180.000 kr

    Fararstjóri: Vilhjálmur Árnason og Helga María Heiðarsdóttir

    Innifalið: leiðsögn heimamanna, íslensk fararstjórn (Villi Árna og Helga María), akstur, gisting og fæði eins og fram kemur í leiðarlýsingu. 

    Undanskilið í verði: flug til og frá Tirana, tryggingar, þjórfé, drykkir og annað en fram kemur hér að ofan.

    Fjallaleiðsögumenn munu mæla með tiltekinni flugleið og aðstoða með bókun á flugi sé þess óskað. Allar frekari upplýsingar hjá Dagnýju, dagny@fjallaleidsogumenn.is

    Loka

  • Dagskrá ferðar

    Dagur 1. Tirana - Shkodra
    Koma til Tirana þar sem staðarleiðsögumenn taka á móti hópnum og ekið er norður til borgarinnar Shkodra. Shkodra er ein af elstu borgum Albaníu og saga hennar spannar heil 2400 ár og ýmsir ólíkir menningarhópar hafa markað spor sín í sögu borgarinnar. Við komuna til borgarinnar í eftirmiðdaginn gefst tími til að þefa af mannlífinu í þessari borg þar sem fleiri fara um hjólandi heldur en í bíl. Við snæðum kvöldverð „a la carte“ á veitinghúsi þetta fyrsta kvöld í Albaníu. Gist á hóteli í tveggja manna herbergjum með baði.

    Dagur 2. Skoðunarferð um Shkodra
    Í dag getum við notið alls þess sem Shkodra hefur upp á að bjóða og kynnst sögu borgarinnar með því að heimsækja helstu merkisstaðina. Fyrir hádegi fylgjum við leiðsögumönnum okkar en eftir hádegi er frjáls tími til þess að kynnast borgarlífinu á eigin spýtur. Dagurinn hefst með heimsókn í Rozafa kastalarústirnar, eitt af síðustu vígjum Illyra sem stendur á strategískum stað ofan við borgina. Eftir að hafa fengið sögu Illyra beint í æð höldum við á Sögusafnið og ef tími gefst til náum við líka að heimsækja Marubi safnið sem er tileinkað fyrsta ljósmyndara Albaníu sem opnaði ljósmyndastofu um miðja 19. öldina. Eftir hádegisverð er eins og fyrr segir tími til þess að vafra um og skoða mannlífið. Við snæðum svo kvöldverð á veitingahúsi. Gist á sama hóteli

    Dagur 3 Thethi og Bláa Augað
    Eftir morgunverð kveðjum við þessa skemmtilegu borg og höldum upp í fjöllin í Thethi dalinn sem er vandlega falinn í faðmi tígulegra fjalla og þar er elsta þorp Albönsku Alpanna að finna. Eftir ~3gja stunda akstur komum við í Thethi og skiljum farangurinn okkar eftir á gistihúsi og höldum niður dalinn að þorpinu Ndërlysa. Eftir stutt hlé leggjum við í göngu dagsins að hinu ómótstæðilega Bláa Auga – sem er fallegur blár hylur þar sem jafnvel má fá sér sundsprett og njóta hrikalegs umhverfisins. Við snæðum hádegisverðinn okkar hér og heyrum þjóðsöguna um Bláa Augað. Á bakaleiðinni göngum við til gljúfursins og Grunas fossins og endum svo gönguna við Turninn, sem er þriggja alda gamall og þjónaði sem griðasvæði í blóðhefndar samningaviðræðum en ekki er langt síðan blóðhefndin leið undir lok í Albaníu. Við fáum heimamann til þess að segja okkur frá sögu Turnsins og hefðum blóðhefndarsamfélagsins. Til þess að ná hrollinum af blóðhefndinni úr okkur endum við svo daginn með því að heimsækja kirkjuna í Thethi sem er gott dæmi um byggingarlist svæðisins. Kvöldverður og gisting á gisthúsi.

    Dagur 4. Arapi tindur 2217 m
    Í dag er ferðinni heitið á Arapi tindinn sem blasir við og er eitt helsta kennileiti Thethi þjóðgarðsins. Suðurveggurinn tindsins er 800 metrar og gríðarlega tilkomumikill. Við fylgjum góðum stíg upp í Peja skarðið en þaðan verður landið erfiðara á fótinn, brattara og grófara. Við snæðum nestið okkar á einhverjum fallegum stað og njótum þessa ótrúlega umhverfis. Arapi tindurinn situr á tilkomumiklum ævafornum karst myndunum sem er bergtegund sem við eigum ekki að venjast á Íslandi. Frá toppnum er um að gera að njóta útsýnisins áður en við höldum sömu leið til baka heim á gistihúsið þar sem við snæðum kærkominn kvöldverð. Göngutími: 8 klst – hækkun/lækkun 1477 m

    Dagur 5. Valbona skarð
    Hugsanlega sitja einhverjar skrokkskjóður í okkur eftir göngu gærdagsins á Arapi tindinn en besta leiðin til þess að losna við þær er að halda áfram og það gerum við. Tökum daginn snemma og höldum upp í gegnum skógi vaxnar hlíðarnar eftir góðum stíg upp í Valbona skarðið. Síðasti hluti leiðarinnar tekur í enda brattari en algjörlega erfiðisins virði því útsýnið yfir bæði Thethi dalinn og Valbona dalinn er ekki líkt neinu sem við höfum séð nema kannski í ævintýramyndum. Við höldum svo áfram niður í Valbona dalinn fyrst um brattar hlíðar en svo um skógi vaxinn dalinn. Í dag fylgjum við gamalli þjóðleið á milli dalanna tveggja og fáum tilfinninguna fyrir því að vera fjarri nútímanum eins og við þekkjum hann ekki síst af því að hestar trússa farangurinn okkar á leiðinni enda enginn bílvegur á milli þessara hömrum girtu dala. Leiðsögumennirnir okkar finna hentugan stað fyrir til þess að snæða nesti dagsins þar sem best hentar. Við gistum á gistihúsi í Valbona dalnum og snæðum þar kærkominn kvöldverð. Göngutími 7 klst – hækkun/lækkun 1070 m/850 m

    Dagur 6. Rosi Tindur 2523 m
    Eftir morgunverðinn leggjum við upp í göngu dagsins upp í hvilftardalinn Kukaj eftir þægilegum stíg um engi og skóg. Eftir 45 mínútur komum við að húsaþyrpingunni í Kukaj og höldum áfram upp í hagann og þaðan leggjum við á brattann upp í Forumi skarðið (2150 m). Áfram heldur stígurinn samsíða landamærunum við Svartfjallaland upp á Rozi tindinn þaðan sem við sjáum yfir til fjallanna í Svartfjallalandi, Zhaborre Guci og Vuthaj. After stutta stund á toppnum höldum við sömu leið niður. Að vanda velja leiðsögumenn okkar einhvern snotran stað til þess að snæða nestið. Kvöldverður á gistihúsinu. Göngutími 8,5 klst – hækkun/lækkun 1593 m

    Dagur 7. Çet Harusha Tindur 2422 m
    Í dag höldum við á erfiðasta tindinn – Çet Harusha og göngum upp norðversturhlíðarnar upp að lindinni „Buni i Ziçit“ í 1500 metra hæð. Hér er gott að kasta mæðinni áður en áfram er haldið upp í gegnum skóginn að hryggnum þaðan sem við göngum á sjálfan toppinn um bratt graslendi. Enn og aftur er útsýnið óviðjafnanlegt og við sjáum jafnvel dagleið gærdagsins auk fjölda tinda nær og fjær. Nesti er snætt á toppnum eða þar sem best hentar. Eftir pásu á toppnum fetum við sömu leið til baka á gistihúsið okkar þar sem við snæðum kvöldverð.

    Dagur 8. Deçani Klaustur - Gjakova í Kósovó – Tirana
    Eftir göngur síðustu daga setjum við nú upp menningargleraugun og höldum yfir til Kósovó. Kósovó er austan við Albaníu og þar er meirihluti íbúa Albanir. Við heimsækjum Deçani klaustur sem var stofnað á fyrri hluta 14. aldar af Serbneska kónginum Stefáni Decani og tileinkað himnaför Krists og er á heimsminjaskrá sameinuðu þjóðanna. Klaustrið var hannað af ítölskum arkítektum og þykir minna á dómkirkjuna í Pisa. Eftir viðdvöl okkar í klaustrinu þar sem ungir múnkar fylgja aldalögnum hefðum klausturlífsins ökum við til Gjakova sem er ein af mikilvægustu borgum Kósovó. Eftir hádegisverð skoðum við gamla basarinn og röltum um bæinn með leiðsögumanni áður en við ökum til Tirana þar sem við gistum á hóteli og snæðum kvöldverð á veitingahúsi.

    Dagur 9. Höfuðborgin Tirana
    Við höldum í skoðunarferð um borgina eftir morgunverð á hótelinu. Þessi höfuðborg Albaníu er vestur af Dajti fjöllgarðinum og einungis 40 km frá Adríahafinu. Borgin er miðstöð menningar, lista og stjórnmála og full af lífi. Skoðunarferðin liggur um Skanderberg torgið, eftir aðal breiðgötunni, um klukkuturna, moskur og sjálft þjóðminjasafnið. Eftirmiðdagurinn er svo frjáls. Hádegisverður og kvöldverður snæddur á veitingastað þar sem við njótum hins frábæra albanska matar. 

    Dagur 10. Heimferð
    Akstur á flugvöllinn fyrir heimferð.

    Loka

  • Brottfarar dagsetningar
    Dagsetning Ferða Framboð
    16.08.2017 Í boði Velja

Veldu fjölda farþega og brottfarar dagsetningu.

Heildarverð fyrir alla farþega:

0kr.

    1. Just a tip - You can convert the currency here!