Útbúnaðarlisti fyrir lengri bakpokaferð

Ferðafatnaður (til að klæðast á göngu eitt tvö eða 3 lög eftir atvikum)

  • Nærskyrta úr ullar- eða flís efni 
  • Þunn peysa eða skyrta úr ull eða flís.
  • Lopapeysa eða þykk flíspeysa.
  • Ullarsokkar.
  • Göngubuxur þurfa að vera sterkar og úr efni sem þornar fljótt. Ýmislegt kemur til greina, flísbuxur, buxur úr ullarefni eða pólyester.

Í bakpokann:

  • ullarnærskyrta
  • síðar nærbuxur
  • Auka nærbuxur stuttar
  • aukapeysa þykk eða létt dúnúlpa eða létt fiberúlpa.
  • 1-2 pör af ullarsokkum(ullarsokkar með frotté fara t.d. vel með fætur). Það má ekki klæðast sokkum úr bómull fyrir innan ullarsokkana!
  • Góðir íslenskir ullarvettlingar, eitt eða tvö pör eru nauðsynlegir og utanyfirvettlingar úr vatnsheldu efni eru ekki til skaða.
  • ullarhúfa eða lambhúshetta og e.t.v. ennisband eða hólkklútur (buff).
  • Stakkur úr vatnsheldu efni og með góðri hettu , annað hvort Goretex eða sambærilegt.Utanyfirbuxur úr sama efni.
  • Gönguskór, mjúksóla úr leðri eða rúskinni og næloni. Hægt er að fá leðurskóna með eða án Goretex og í öllu falli er hægt að vatnsverja þá töluvert með leðurfeiti. Það sem er mikilvægast er að skórnir passi vel og séu þægilegir.
  • Legghlífar 

Annar búnaður:

  • Bakpoki. Til eru margar góðar gerðir af bakpokum. Gott er að miða við 55 til 65 lítra poka fyrir kvenmann og 60 til 75 lítra fyrir karlmann.
  • Svefnpoki með dún eða fíberfyllingu. Nauðsynlegt er að pokinn sé léttur og hlýr og því mælum við helst með gæsadún eða vönduðum fibersvefnpokum. Hafa ber í huga að tölur um kuldaþol svefnpoka eru oftast ýktar og því nauðsynlegt að pokinn sé gefinn upp fyrir a.m.k. 0°C í comfort og a.m.k -10°C í extreem kuldaþol.
  • Einangrunardýna úr frauði eða sjálfuppblásin.
  • Gamlir strigaskór eða sandalar til að vaða ár.
  • Göngustafir (Það er mjög mikilvægt fyrir gönguna yfir jökulinn að hafa stafi)!


Og að lokum ýmislegt smálegt sem gott er að hafa með:

  • tannbursti
  • dálítið tannkrem
  • salernispappír
  • mjög lítið handklæði