Ísklifur 2

Fyrir þá sem vilja komast hærra!

Erfiðleikastig:

AUÐVELT

ERFITT

Verð frá:  

Fullorðinn: contact us

Lengd: Kvöld og heill dagur

Upphafsstaður: ITM Bankastræti 2, 101 Reykjavík

Við útvegum: Kennslu á bóklegu kvöldnámskeiði og þjálfun í ísklifri. Einn leiðbeinanda á hverja fjóra þátttakendur. Allan sameiginlegan klifurbúnað. Flutning á verklegan kennslustað.

Þú útvegar: Persónulegan klifurbúnað (hægt að leigja) og útivistarfatnaða.

Athugið: Verð til félaga í Íslenska Alpaklúbbnum er 35.000 kr.

Spurningar? fyrirspurn@fjallaleidsogumenn - hafðu samband

  • Lýsing ferðar

    Framhaldsnámskeið í ísklifri - Eitt kvöld í miðri viku og heill dagur í klifri.

    Markmið:
    Á framhaldsnámskeiði í ísklifri er markmiðið að kenna nemendum að leiða auðveldar ísklifurleiðir. Lögð er áhersla á að kenna notkun trygginga, uppsetningu akkera og aðferðir til að síga úr leiðum. Klifrið fer fram í frosnum fossum (water ice) nema aðstæður leyfi það ekki en þá er klifrað á jökli. Þetta er ekki byrjendanámskeið.

    Kröfur:
    Gerð er krafa um að þátttakendur hafi lokið námskeiðinu Ísklifur I eða búi að einhverri reynslu af ísklifri. Einnig telst það kostur að hafa farið á námskeið í kletta og/eða vetrarfjallamennsku.

    Ath:
    Þátttakendur skulu koma í viðeigandi útivistarklæðnaði og þurfa klifurbelti, læsta karabínu, tvær klifuraxir, hjálm og klifurmannbrodda. Allan búnað er þó hægt að leigja hjá Íslenskum Fjallaleiðsögumönnum. Leiðbeinandi áskilur sér rétt til að hafna notkun búnaðar í eigu þátttakenda ef hann uppfyllir ekki öryggiskröfur. Til að fá sem mest út úr námskeiðinu er mælt með að þátttakendur mæti í stífum klifurskóm. Þá er einnig hægt að leigja. Útbúnaðarlista verður dreift til þátttakenda eftir skráningu.

    Verð til félaga í Íslenska Alpaklúbbnum er 35.000 kr. Til að fá frekari upplýsingar, vinsamlegast hafið samband í gegnum netfangið ivar@mountainguides.is

    Loka

  • Dagskrá ferðar

    Kvöld :
    Farið er í helstu hnúta sem notaðir eru í klifri, áttuhnút, hestahnút, pelastikk og prússikhnút. Fjallað er um uppsetningu megintrygginga og farið vel yfir verklag í fjölspanna klifri. Fjallað er um helstu atriði er varðar leiðsluklifur og muninn á klifri í jökulís og vatnsís. Helsti búnaður er kynntur og gengið frá ferðatilhögun fyrir ísklifurdagsferðina.

    Dagur :
    Farið er yfir megintryggingar, ferli fjölspanna ísklifurs og klifurtækni, aðferðir við að sveifla og halda á ísöxi og beitingu mannbrodda í mismunandi halla. Æfð verður uppsetning megintrygginga. Einnig er farið í V-þræðingar og sig úr ísklifurleið með öryggisprússik.

    Klifrað er í frosnum fossum (vatnsís) undir leiðsögn kennara.

    Loka

Vinsamlegast hafið samband við okkur fyrir frekari upplýsingar um brottfarir í boði.

  • Heildarverð fyrir alla farþega:

    0kr.