Skíðagengið HRH497

Á skíðum skemmti ég mér!

Erfiðleikastig:

AUÐVELT

ERFITT

Verð frá:  

Fullorðinn: 23.900

  • Lýsing ferðar

    Skíðagengið - Kynning

    Skíðagengið er hugsað fyrir vant svigskíðafólk sem vill víkka sjóndeildarhringinn og komast út fyrir troðnar brautir skíðasvæðanna. Með fjallaskíðunum má sameina tvö áhugamál, fjallgöngur og skíði. Í Skíðagenginu verður áherslan meira skíðamegin. Tilgangurinn með ferðunum er að komast í góðar ósnortnar skíðabrekkur og góðan snjó þó vissulega sé æskilegt að uppgönguleiðin sé falleg og útsýni frá tindinum sé glæsilegt.

    Umsjónarmenn Skíðagengisins eru Ólafur Þór Júlíusson og Jóhann Garðar Þorbjörnsson

    Loka

  • Dagskrá ferðar

    Skíðagengið - Dagskrá 2017

    Dagskrá getur breyst vegna veðurs og aðstæðna

    Febrúar

    2. fimmtudagur – Kynningarfundur. Fjölbreytt dagskrá Skíðagengisins kynnt auk nýs fyrirkomulags hópsins, fræðsla um viðeigandi ferðabúnað, afsláttarkjör hópsins kynnt og fleira sem viðkemur fjallaskíðun.

    24-26. febrúar – helgi. Hér verður hin árlega ferð í Hlíðarfjall en þar er að finna frábæra möguleika til utanbrautarskíðunar. Helgin byrjar á kennslu í viðbrögðum við snjóflóðum og að því loknu munu Ólafur Þór Júlíusson og Jóhann Garðar Þorbjörnsson leiða hópinn um bestu utanbrautarskíðaleiðir sem Hlíðarfjall hefur upp á að bjóða. Undanfarin ár hefur leynigestur verið með á laugardeginum og lágmarkskröfur til hans er þáttaka á tveimur Ólympíuleikum! Reynt verður eftir fremsta megni að sameinast í bíla, gista á sama stað og hafa góða "aprés-ski stemmingu” að loknum frábærum skíðadegi. Ferðin er opin öllum sem eru eða hafa verið í Skíðagenginu. Verð: 25.900 kr. Leiðsögumenn: Ólafur Þór og Jóhann Garðar.

    25. febrúar - Laugardagur. Stutt fjallaferð í nágrenni höfuðborgarinnar. Upplögð ferð fyrir þá sem eru að stíga sín fyrstu skref á fjallaskíðum. Verð 6.900 kr. Leiðsögumaður: Jóhann Garðar.

    Mars

    4. mars - Laugardagur. Mat á snjóflóðahættu. Farið verður í helstu breytur sem hafa áhrif á ákvarðanartöku við mat á snjóflóðahættu.  Þetta er að sjálfsögðu gert í öllum skíðaferðum Fjallaskíðagengisins en þarna gefst meiri tími við hinar ýmsu gerðir prófana. Staðsetning fer eftir því hvar aðstæður eru bestar. Einnig verður stefnt að því að ná góðri skíðabunu í lok dags.  Nauðsynlegt er fyrir allt skíðafólk sem vill fara út fyrir  troðnu brautir skíðavæðanna að hafa grunnþekkingu á mati á snjóflóðahættu. Verð 13.500 kr. Leiðsögumaður: Ívar Finnbogason.

    18. mars - Laugardagur. Bakhlið Esjunnar. Óli rekur sitt annað heimili norðan við Esjuna og þekkir þar alla skíðaslóða. Á síðasta ári var farið frá Skálafelli, yfir Móskarðshnúka og niður í Eyjadal. Ef aðstæður eru góðar í ár þá verður stefnt að því að halda áfram eftir Esjunni, þ.e. fara upp á Móskarðshnúka, þaðan yfir Laufaskörð, upp á Hábungu Esju og þaðan í norður og niður í Eilífsdal.  Verð 13.500 kr. Leiðsögumenn: Ólafur Þór og Jóhann Garðar. Lágmarksfjöldi 8 manns.

    Apríl

    8. apríl - Laugardagur - Skarðsheiðin. Margar góðar skíðalínur má finna á Skarðsheiði. Jóhann Garðar finnur brekkuna sem býður upp á flottustu aðstæðurnar! Verð 13.500 kr. Leiðsögumaður: Rakel Ósk. Lágmarksfjöldi 8 manns.

    22. apríl - Laugardagur. Óvissuferð – Vorskíðun að hætti Óla. Farið verður þangað sem aðstæður eru bestar í nágrenni Reykjavíkur - Aldrei að vita hvar við endum. Verð 6.900 kr. Leiðsögumaður Ólafur Þór. Lágmarksfjöldi 8 manns.

    Maí

    28. apríl - 1. maí - helgi. Tröllaskagareisa Skíðagengisins: Vorferðin á Tröllaskaga er meginferð Skíðagengisins.  Ferðir seinustu ára hafa verið gríðalega vel heppnaðar.  Þess daga verður skíðað í flottustu brekkum Norðurlands - frá fjallstoppum niður í fjöru.  Verð 57.900 kr. Lágmarksfjöldi 8 manns.

    13. maí – Laugardagur. Snæfellsnes. Á Snæfellsnesi eru góðir möguleikar til fjallaskíðunar. Markið verður sett á Helgrindur sem eru glæsileg fjöll ofan Grundarfjarðar með stórbrotnu útsýni. Snæfellsjökull verður hafður til vara ef ekki eru aðstæður til að fara á Helgrindur. Verð 13.900 kr. Leiðsögumaður: Jóhann Garðar. Lágmarksfjöldi 8 manns.

    Loka

  • Nánar

    Skíðagengið

    - Fámennur sérhæfður hópur með úrvals fararstjórn.

    Umsjónarmenn eru Ólafur Þór Júlíusson og Jóhann Garðar Þorbjörnsson.

    Aðrir leiðsögumenn Skíðagengisins eru Leifur Örn Svavarsson, Jóhann Garðar Þorbjörnsson, Ívar Finnbogason, Hallgrímur Magnússon, Guðmundur Arnar Ástvaldsson og Tómas Leifsson, sem munu koma að dagskrá skíðagengisins á einn eða annan hátt.

    Lágmarksfjöldi í Skíðagenginu er 8 manns og hámark 30 manns.

    Skráning og frekari upplýsingar sendist á fjallaleidsogumenn@fjallaleidsogumenn.is

    Fræðsla

    Þó að dagskrá Skíðagengisins byggist upp á ferðum verður engu að síður lögð áhersla á fræðslu um snjóflóð og örugga ferðamennsku. Í ferðunum verður endurtekið farið yfir á raunhæfan hátt hvernig snjóflóðahætta er metin, hvernig rétt ferðahegðun getur dregið úr áhættu tengdri skíðun utan brauta og rétt viðbrögð við óhöppum verða æfð.

    Helstu námskeiðsþættir

    • Mat á snjóflóðahættu
    • Leiðarval með tilliti til snjóflóðahættu
    • Ferðahegðun
    • Félagabjörgun úr snjóflóði
    • Rétt notkun og viðhald á sérhæfðum útbúnaði

    Nauðsynlegur útbúnaður þátttakenda Skíðagengisins

    • Skíði
    • Fjallaskíðabindingar
    • Fjallaskíðaskór
    • Skinn undir skíði
    • Skíðastafir með stillanlegri lengd
    • Skíðabroddar
    • Bakpoki, 30-45 lítrar, hentugur fyrir dagsferðir. ABS snjóflóðabúnaður og snjóflóðalungu (Avalung) eru æskilegur viðbótabúnaður sem oft er innbygður í skíðabakpoka (ekki skylda).
    • Almennur útivistarfatnaður, þar með talið stakkur með góðri hettu, utanyfirbuxur sem renndar eru niður með hliðunum, utanyfirvettlingar.
    • Skíðahjálmur og skíðagleraugu
    • Snjóflóðaýlir (grunnbúnaður en hægt að fá leigt)
    • Skófla (grunnbúnaður en hægt að fá leigt)
    • Snjóflóðastöng (grunnbúnaður en hægt að fá leigt)
    • Ísexi (hægt að fá leigt)
    • Mannbroddar undir skíðaskó (hægt að fá leigt)
    • Létt klifurbelti til þess að nota á Öræfajökli (hægt að fá leigt)

    Fríðindapakki

    Fyrir utan augljósan heilsufarslegan ávinning af reglulegum skíðaðaferðum standa þátttakendum í skíðagengi Fjallaleiðsögumanna margs konar fríðindi til boða:

    • Afsláttur á námskeiðum Fjallaleiðsögumanna 
    • Sértilboð á skíðagræjum
    • ,,preppkvöld´´hjá Gumma í Íslensku Ölpunum
    • Sérstök kynningar- og afsláttarkvöld
    • Aðgengi að dagskrá Fjallafólks og Fjallagengis
    • Jöklaganga í Skaftafelli eða á Sólheimajökli, boðsferð fyrir tvo
    • Ferðaávísun (15.000kr) sem gildir í allar lengri ferðir Fjallaleiðsögumanna (nema sérferðir og ferðir Hreyfihópa)
    • Ferð utan dagskrár á Hvannadalshnjúk og/eða á Hrútfjallstinda á sérkjörum (Verðflokkur 3)
    • Afsláttur af námskeiðum ÍFLM
    • Vikulegar æfingar (Þrekæfingar, fjallgöngur eða stutt kvöldskíðun)

    Loka

  • Verð

    Verð og greiðslukjör

    Til þess að eiga möguleika á því að taka þátt í dagskrá Skíðagengisins þurfa þátttakendur að vera skráðir í Skíðagengið. Skráningargjald fyrir veturinn er 23.900 kr. 

    Með því að greiða skráningargjald fyrir Skíðagengið opnast möguleiki á því að ferðast og æfa með hópunum Fjallafólk eða Fjallagengið á meðan áskriftin varir.  Þátttakendur geta tekið þátt í kvöldgöngum og æfingum en greitt er sérstaklega fyrir lengri ferðir Fjallagengis og Fjallafólks.

    Þegar gengið hefur verið frá skráningu hér á síðunni ert þú komin í hóp Skíðagengis. Rétt er að benda á að ýmis stéttarfélög hafa niðurgreitt þátttökugjöld sem þessi. Sjá meðal annars reglur um Varasjóð VR.

    Fjallaskíðaferðir

    Greitt er séstaklega fyrir hverja ferð fyrir sig og er verðið mismunandi eftir lengd og erfiðleikastigi ferðarinnar. Alls eru ferðirnar 9 á vetrinum en greitt er við skráningu í hverja ferð fyrir sig. 

    • Fjall í flokki 1 = 6.900 kr.
    • Fjall í flokki 2 = 13.500 kr.
    • Fjall í flokki 3 = 25.900 kr.

    (Sjá dagskrá fyrir fjölda ferða í hverjum flokki)

    Innifalið

    Aðild að dagskrá Skíðagengisins. Þrek- og styrktaræfingar og/eða kvöldgöngur á fjöll í nágrenni Reykjavíkur á þriðjudagskvöldum kl 18:00 (með Fjallafólki), þar sem við vinnum okkur í haginn fyrir næstu skíðaferð. Einnig er möguleiki á því að taka þátt í laugardagsgöngum Fjallafólks og Fjallagengis á sömu kjörum og meðlimir hópanna. Veglegur fríðindapakki fylgir aðild (nánar um það hér að ofan).

    Ekki innifalið

    Akstur, gisting og sérhæfður persónulegur útbúnaður s.s. skíðabúnaður, snjóflóðaýlir, skófla, snjóflóðastöng, broddar, belti, ísöxi og skófla.
    Snjóflóðabúnað er hægt að leigja á sérkjörum hjá Fjallaleiðsögumönnum.

    Akstur og samkeyrsla

    Fjallaleiðsögumönnum er annt um náttúru landsins og umhverfi mannfólks. Þess vegna er mælst til þess að þátttakendur á okkar vegum sameinist í bíla eins og kostur er, enda sé það umhverfisvænna og kostnaðarminna fyrir þátttakendur.

    Meginreglan er sú að farþegar skipta á milli sín eldsneytiskostnaði, en ef farþegi er einn skipta hann og bílstjóri eldsneytiskostnaði á milli sín.

    Aksturskostnaður er reiknaður fyrir sérhverja ferð út frá áætlun um fjölda kílómetra, verð á lítra eldsneytis og hvernig akstursleiðin er.

    Farþegar sjá svo sjálfir að greiða sinn hlut í ferðinni eða semja við bílstjóra um að ganga frá því strax að ferð lokinni.

    Samskipti og undirbúningur:

    Tölvupóstur með upplýsingum um fyrirhugaða dagskrárliði er sendur á þátttakendur Skíðagengisins fyrir sérhvern viðburð. Auk þess er Skíðagengið með hópsíðu á Facebook.

    Loka

  • Vídeó
  • Brottfarar dagsetningar
    Dagsetning Ferða Framboð
    30.09.2017 Staðfest brottför Bóka núna

Veldu fjölda farþega og brottfarar dagsetningu.

  • Heildarverð fyrir alla farþega:

    0kr.