Fjögurra til fimm vikna skíða leiðangur yfir Grænlandsjökul.

-Heimskautaleiðangur á heimsmælikvarða

Fjögurra til fimm vikna skíða leiðangur
6-8 virkir göngutímar á dag
540 kílómetrar á jökli (600 km alls)
900 - 2500 m.y.s.
250 metrar mesta hækkun

Stutt lýsing:
Í byrjun maí 2011 standa Íslenskir Fjallaleiðsögumenn fyrir sjötta leiðangri sínum yfir Grænlandsjökul og er hann sem fyrr opinn áhugasömu fjalla- og útivistarfólki. Leiðangurinn er farinn í samvinnu við Adventure Consultants á Nýja Sjálandi, sem meðal annars skipuleggja ferðir á Mount Everest ár hvert.

Áhugasömum má benda á að gönguskíðaferð á Vatnajökul eða yfir Sprengisand að vetrarlagi er tilvalinn undirbúningur fyrir leiðangur yfir Grænlandsjökul.

Fyrir frekar upplýsingar um dagsetningar og verð hafið samband við skrifstofu Íslenskra Fjallaleiðsögumanna.

Leiðangur af þessu tagi er einstök lífsreynsla.

Innifalið : Leiðsögn, leyfi frá Grænlenskum yfirvöldum, leiðangurstryggingar, flug frá Reykjavík til Kulusuk, flug eða bátur frá Kulusuk til Tasilaq, þyrluflug frá Tasilaq á Hahn jökul, flug frá Syðri Straumfirði til Reykavíkur, púlkur, flutningur, allur matur í ferðinni, tjöld, sameiginlegur útbúnaður og eldunaráhöld.
Hafa í huga : Gera þarf ráð fyrir 2-3 aukadögum í lok ferðar vegna flugskilyrða frá Grænlandi.
Lengd : 3-4 vikur

Dagskrá: 

Brottför frá Reykjavík  í byrjun .maí (nánari dagskrá kynnt fljótlega í byrjun árs 2011). Fyrstu 1-2 næturnar er gist í Tasiilaq á Ammassalikeyju. Þaðan er flogið inn að Hahn jökli, í um það bil 900 m hæð, þar sem gangan hefst. Leiðin er tæplega 600 kílómetrar alls, þar af um 540 km á jökli.

Um 10 daga ganga er upp á hábungu Grænlandsjökuls í 2500 metra hæð. Nokkuð vestan við miðjan jökulinn standur bandaríska radarstöðin DYE-2 eins og minnisvarði um útópíska hugsun kalda stríðsins. Gangan á hájöklinum að DYE-2 tekur um viku tíma en þaðan liggur leiðin niður á við næstu 5 daga eða svo eða þar til land er náð á hæð sem jafnan er kölluð „Hæð 660“ eftir hæðarmerkingu á kortum.

Veður og aðstæður:

Á leið upp austanverðan jökulinn er vindur nokkuð stöðugur frá norðvestri en síðan taka við breytilegar áttir áður en fallvindur austur jökulsins tekur við úr suðaustri. Yfir daginn má reikna með hita á bilinu 0°C til -10°C en -10°C til -30°C á nóttunni.  Áætlaðir ferðadagar á jöklinum eru 20 til 25.

Farangur og fæða:

Allur farangur er dreginn á púlkum (sleðum)úr plasti. Hver og einn byrjar með um 85 kg: Föt, dýnur, svefnpoka, mat, eldsneyti, prímusa, tjöld og margt fleira. Eftir því sem á ferðina líður munu byrðar léttast og þegar upp er staðið (yfir er komið) hafa á milli 25 – 35 kg verið etin og brennd.

Ath:

Vegna aðstæðna á Grænlandi er gott að reikna með degi / dögum til vara. Íslenskir Fjallaleiðsögumenn bera ekki ábyrgð á kostnaði sem hlíst af töfum á flugi eða vegna annara óviðráðanlegra aðstæðna.