Greenland Alpine Ski Tour

Hápunktar

Verð frá: 445.000 ISK

Frábær fjallaskíðaferð á fáfarinni austurströnd Grænlands þar sem sólin skín allan sólarhringinn

Fjallaskíðaferð til Liverpoollands á Norðaustur Grænlandi

Í maí mánuði bjóða Íslenskir fjallaleiðsögumenn upp á spennandi skíðaferð til Liverpoollands á Norðaustur Grænlandi. Hér er á ferð krefjandi fjallaskíða/telemark ferð þar sem glímt er við helstu tinda Liverpoollands. Farið er með hundasleðum upp í fjallasvæði Liverpoollands þar sem slegið verður upp tjaldbúðum. Úr tjaldbúðum er svo farið í dagsferðir ýmist á nálæga tinda eða skíðað niður að sjávarmáli þar sem gríðarstórir borgarísjakar eru frosnir inn í lagnaðarísinn. Frábær fjallaskíðaferð á fáfarinni austurströnd Grænlands þar sem sólin skín allan sólarhringinn.

Búnaðarlisti

Innifalið : Leiðsögn og fararstjórn, Flug til Grænlands og baka með flugvallarsköttum, þyrluflug til Ittoqqortoormiit, gisting á gistiheimili í Ittoqqortoormiit eftir skíðaferð, hundasleðaflutningur á fólki og farangri, svefntjöld og matartjald, mataráhöld og allur matur að undanskilinni lokamáltíð á Grænlandi.
Aukagjald: fyrir 4 til 5 manna hóp, 50.000kr. á mann.
Ekki innifalið : Personal equipment, insurance and expenses, dinner the last night in Greenland.
Upphafsstaður : Ferðin hefst og endar á flugvellinum í Reykjavik.

Hápunktar

Verð frá: 445.000 ISK

Dagur 1: Flogið frá Reykjavík til Constable Point á Austur Grænlandi. Þaðan tökum við áætlunarþyrluna til Ittoqqortoormiit, litskrúðugs 600 manna grænlensks þorps sem stendur við mynni Scoresby Sunds, stærsta fjarðar í heiminum. Eftir stutt stopp í þorpinu leggjum við af stað með hundasleðum inn á Liverpoolland. Við nemum staðar í uþb 700 metra hæð nánast í miðju Liverpoollands og sláum upp tjöldum áður en fyrsti tindurinn er klifinn og forsmekkurinn af skíðun næstu daga kemur í ljós.

Dagar 2-6: Þessa daga förum við í fjölbreyttar skíðaferðir þar sem hægt er að velja um fjölda skíðaleiða í ómótstæðilegu landslagi. Roscoe fjöllin, syðsti hluti Liverpoollands er kjörinn fyrir fjallaskíðaferðir. Nálægt tjaldbúðunum eru hæstu fjöll Liverpoollands, Krosbjerg 1400 metra hátt og Tvillingerne 1430 metra hátt. Fjallstindarnir liggja þétt saman þannig að á afmörkuðu svæði má finna ótal skíðaleiðir af ölíkum erfileikastigum og aðeins lítill hluti þeirra hefur verið skíðaður.

Dagur 7: Um morguninn pökkum við farangrinum saman áður en við höldum í skíðaferð dagsins. Eftir að hafa gengið á nálægan tind er skíðað niður að sjávarmáli. Þar bíða hundasleðarnir með farangur hópsins tilbúnir að draga okkur til byggða þar sem slegið er upp veislu um kvöldið. Fyrir þá úthaldsbestu er tilvalið að skella sér á grænlenskt sveitaball um kvöldið.

Dagur 8: Um morguninn förum við í skoðunarferð um Ittoqqortoormiit, áður en við tökum þyrluna á flugvöllinn í Constable Point þaðan sem við fljúgum heim til Íslands.

Hápunktar

Verð frá: 445.000 ISK

Almennt:
Grænland þarf vart að kynna fyrir Íslendingum. Þessi granni okkar í vestri er eiginlega ein stór frystikista, 86% landsins eru þakin jökli. Norðaustur hluti Grænlands er afskaplega strjálbíll og en þar búa 1.6% allra íbúa landsins sem árið 2005 reyndust 56.374 manns. Við Scoresbysund hefur verið byggð um aldir og vitna ýmsar fornminjar um það. Núverandi byggðakjarni Ittoqqortoormiit er hins vegar ekki mjög gamall. Að undirlagi dönsku stjórnarinnar var stofnað til þorps þar árið 1925 og fluttir þangað 70 íbúar frá Ammassaliksvæðinu. Fólkið var flutt með skipi og komið við á Ísafirði. Nýbúarnir komu sér fyrir og fóru að nýta landsins gögn á þessum nýju veiðilendum þar sem gnótt var af sel, rostungi, ísbjörnum, náhval og refum.

Veðrátta:
Á svæðinu í kringum Scoresbysund og á Liverpoollandi er jafnan staðviðrasamt. Hafís liggur landfastur frameftir sumri og sjaldan orðið skipafært inn í Scoresbysund fyrr en undir haust. Ísinn hefur óneitanlega áhrif á veðurfarið og ekki þarf að koma á óvart að lágt rakastig einkennir veðráttu svæðisins. Þetta lága rakastig og þurra loft veldur því að við þurfum að huga vel að vökvabúskapnum. Hins vegar er það ljós í myrkrinu að þurra loftið gerir frostið ekki jafn kalt. Meðalhitastig sólarhringsins í maímánuði í Ittoqqortoormiit er -3.5 °C. Líklegt er að yfir daginn sé hitastigið sé mun hærra og um nætur eitthvað lægra.

Matur:
Allur matur er innifalinn í ferðinni nema síðasta kvöldmáltíðin í þorpinu Ittoqqortoormiit þar sem hægt er að nota tækifærið og skella sér í ekta grænlenska villibráð. Nauðynlegt er að gera ráð fyrir tíma til þess að bræða snjó til neyslu en á þessum árstíma er ólíklegt að rennandi vatn sé nokkurs staðar að finna nema þá helst í þorpinu Ittoqqortoormiit.