Sérstök fimm daga ferð um marga lítt þekkta staði suður af Mývatni, þar sem áhrif vatns á landmótun og gróðurfar eru einstaklega áhrifamikil.

-Fimm daga bakpokaferð
Annar hluti göngunnar Frá strönd til strandar sem hefst í Ásbyrgi og lýkur í Vík í Mýrdal

Sérstök ferð um marga lítt þekkta staði suður af Mývatni, þar sem áhrif vatns á landmótun og gróðurfar eru einstaklega áhrifamikil. Hin mikla eyðimörk norður af Vatnajökli geymir eitt sérstæðusta náttúruundur Íslands: Öskju í Dyngjufjöllum.

Dagleið: 6-8 klst.
Heildar vegalengd: 95 km
Gönguhæð: 450 - 800 m.y.s.
Mesta hækkun: 350 m

Búnaðarlisti

Innifalið : Leiðsögn, matur í fimm daga (fyrirutani morgunmat fyrsta daginn og kvöldmat síðasta daginn), tjöld, tjaldstæðisgjöld, eldunar- og mataráhöld.
Hafa í huga : Ferðin endar í Öskju við Drekagil.
Upphafsstaður : Mývatn.

Dagur 1: Frá Mývatni um Hverfjall og Lúdentsborgir að Selhjallagili. Tjald.

Dagur 2: Með Selfjalli um hraun og sanda að hinum gænu Sellöndum og Kráká. Tjald.

Dagur 3: Áfram haldið í Suðurárbotna þar sem óhemjumagn af kristaltæru lindavatni kemur undan víðáttumiklu Ódáðahrauninu. Skáli.

Dagur 4: Úr Suðurárbotnum er gengið upp Dyngjufjalladal; landslagið verður æ hrjóstrugra og ógreiðfært. Skáli.

Dagur 5: Úr hlíðum Dyngjufjalla er farið um Jónsskarð inn í Öskju, hið vel falda hringleikahús náttúruaflanna og áfram í Drekagil þar sem ferðin endar.