- Sex daga bakpokaferð um heillandi auðnina norðan Vatnajökuls þar sem andstæður íss og elds og afleiðingar þessara frumkrafta eru leiðarstefið

-Sex daga bakpokaferð.
 Þriðji hluti ferðarinnar Strönd til strandar sem hefst í Ásbyrgi og lýkur í Vík í Mýrdal.

Sex daga bakpokaferð um heillandi auðnina norðan Vatnajökuls þar sem andstæður íss og elds og afleiðingar þessara frumkrafta eru leiðarstefið: svartir sandar, sviðnir engireitir og jökulhrammurinn sem teygir sig niður á sandinn. Ólíklegt annað en að þessar andstæður veki ferðafólki óttablandna virðingu fyrir óræðum náttúruöflunum og finni til smæðar sinnar andspænis þeim.

Dagleiðir: 5-11 klst.
Heildar vegalengd:  95 km.
Gönguhæð:  600-1200 m h.y.s.
Mesta hækkun:  200 m.

Búnaðarlisti

Innifalið : Leiðsögn, matur í fimm daga (fyrir utani morgunmat fyrsta daginn og kvöldmat síðasta daginn), tjöld, tjaldstæðisgjöld, eldunar- og mataráhöld.
Hafa í huga : Ferðin endar í Nýjadal.
Upphafsstaður : Askja/Drekagil.

Dagur 1: Lagt af stað seinnipartinn. Gengið inn í svarta sandbreiðuna norðan Öskju. Áfangastaður þessa fyrsta dags er gróðurvinin við Svartá, sem kemur á óvart mitt inni í sandöldunum. Tjald.

Dagur 2: Eftir að fyllt hefur verið á vatnsflöskurnar er lagt af stað yfir sandinn, nú með Dyngjujökul á vinstri hönd og Öskju á þá hægri. Hér minnir útsýnið um margt á Mordor Tolkíens. Eftir dagleið um þessa sandauð í víðáttunni norðan Vatnajökuls er komið að hæð þar sem jökulá rennur hjá. Hér er tjaldað við eina vatnið sem býðst um óraveg. Tjald.

Dagur 3: Nú gerist landið ósléttara og meira á fótinn. Gengið er þvert yfir litla hraunbreiðu og upp á Urðarhálsinn, ævafront eldfjall sem enn í dag geymir einn af dýpstu gígum Íslands. Ekki langt frá Vatnajökli komum við svo að neyðarskýlinu við Kistufell þar sem gist er um nóttina. Tjald.

Dagur 4: Eins og dagana á undan liggur leiðin um auðnir og víðáttu. Ekki stingandi strá að sjá í svörtum sandinum. Vaða þarf einstöku jökulá og gamalli gígaröð fylgt í Gæsavötn. Hér er gist í skála og hægt að drekka í sig litadýrð gróðurs og angan eftir langan dag í svörtum sandi. Skáli

Dagur 5: Stuttu eftir að lagt er upp frá Gæsavötnum er komið að mikilli jökulá. Það fer eftir aðstæðum hvort áin er vaðin eða gengið að upptökum hennar og farið yfir jökul. Stefnan er tekin á Vonarskarð þar sem tjöldum er slegið upp að kveldi dags. Tjald.

Dagur 6: Farið er um bratt fjallaskarð yfir í Snapadal, þar sem finna má heitar laugar. Hér gefur að líta magnaðan litasymfon marglitra líparítfjallanna sannkallað augnayndi eftir einsleitni grárra basaltfjallanna. Áfram haldið um fjallaskörð og hryggi niður í Jökuldal og við enda hans komið að tjaldstæðinu og skálanum í Nýjadal.