Gönguferð á hæsta tind landsins er fremur auðveld tæknilega en tekur drjúgt af úthaldinu. Ferð á Hnúkinn er ógleymanleg upplifun og allmargir fara ár hvert.

Fyrir þá sem þurfa að útvega sér gistingu í Skaftafelli, bendum við á Hnjúkstilboðið með gistingu.

-Frá Skaftafelli

Flokkun: Krefjandi, meira en 2000 m hækkun og ~25 km dagleið.
Áætlaður tími: 10-15 klst ganga
Fjöldi: Tveir til átta þátttakendur með hverjum leiðsögumanni. 

Bókunarskilmálar - Búnaðarlisti

Lágmarksaldur : 16 yrs.
Innifalið : Allur sérhæfður útbúnaður til jöklaferða.
Ekki innifalið : Ferðir í og frá Öræfum, nesti, persónulegur búnaður
Hafa í huga : Lágmarksfjöldi er 2
Lengd : 10-15 klst. ganga
Upphafsstaður : Skáli Íslenskra fjallaleiðsögumanna við þjónustumiðstöð Þjóðgarðsins í Skaftafelli.

Ferðatilhögun er alla jafna á þá leið að lagt er af stað frá Sandfelli kl 05.00 og áð á fyrstu brekkubrún í uþb 300 m hæð við læk þar sem hægt er að fylla á brúsa fyrir daginn og fá sér ærlega að drekka áður en haldið er áfram upp á heiðarbrúnina í 700 m hæð. Þar er aftur áð eftir að mesti brattinn er að baki og svo haldið um aflíðandi mela Sandfellsheiðarinnar að jökulrönd. Mikil áhersla er lögð á það að fara rólega upp þessar brekkur enda engin ástæða til þess að láta ofurkapp í upphafi eyðileggja seinni hluta göngunnar!

Við jökulrönd er almennileg nestispása enda alla jafna kominn hefðbundinn morgunverðartími, auk þess sem allir fara í belti og línur fyrir gönguna á jöklinum. Eftir að jöklagangan hefst er að jafnaði stoppað á klukkustundar fresti áður en komið er upp á öskjubrúnina í rúmlega 1800 m hæð. Áð er á brúninni og snætt áður en gangan yfir sjálfa öskjuna tekur við sem gæti tekið uþb 1 klst. Undir sjálfum Hnúknum er aftur áð fyrir lokaáfangann og að sjálfsögðu er stoppað á toppnum eftir því sem hugur stendur til og veður leyfir áður en haldið er sömu leið til baka.

Gott er að stoppa í bækistöð Fjallaleiðsögumanna í Skaftafelli kvöldið fyrir gönguna fá afhentan nauðsynlegan jöklabúnað og fara yfir ferðatilhögun. Svo að allir fái nægan svefn er gott að miða við það að vera komin austur í Skaftafell ekki seinna en 20.00 – 21.00 kvöldið fyrir gönguna. Ekki má horfa framhjá mikilvægi góðrar næturhvíldar fyrir göngu sem þessa.