Auðveld ganga upp á jökulinn. Í upphafi ferðar er farið yfir hvernig nota á brodda og ísexi.

Sólheimajökull er líklega aðgengilegasti skriðjökull Íslands. Skammt frá Reykjavík skríður þessi mikilfenglegi og hraðskreiði skriðjökull niður úr Mýrdalsjökli. Það er ekki að ástæðulausu að Íslenskir Fjallaleiðsögumenn fara nærri alla daga ársins með ferðafólk á Sólheimajökul í jöklagöngur. Blár ís, fallegt umhverfi og sterk skil á milli ösku síðustu alda og jafngamals íss er stórkostleg upplifun.

Nú þegar Sólheimajökull hefur verið nærri þakinn ösku úr gosinu í Eyjafjallajökli er enn meiri ástæða til þess að skoða hann. Frá jöklinum er líka oft gott útsýni upp í öskustrókinn og á akstursleið okkar undir Eyjafjöllunum verða góð tækifæri til þess að sjá öskusvartar sveitirnar og ef til vill gosið sjálft.

Verð fyrir börn : 9.950 ISK

Lágmarksaldur : 10 yrs.
Innifalið : Leiðsögn, ferð að Sólheimajökli og aftur til Reykjavíkur, jöklaganga, broddar og ísexi.
Hafa í huga : Klæðast hlýjum fatnaði, gönguskóm og hafa meðferðis regngalla. Við lánum regnföt ef beðið er um. Við mælum með að fólk taki með sér nesti, en einnig gefst færi á að kaupa nesti á leiðinni.
Lengd : 2,5-3 tímar á jöklinum, alls um 10 tímar.
Upphafsstaður : Farþegar eru sóttir á gistiheimili kl. 8:30. Kynnisferðir sjá um að sækja farþega.