Þórdís Erla Ágústsdóttir

Gönguleiðsögumaður

Þórdís er leiðsögukona eins og leiðsögukonur eiga að vera. Hún leiðsegir um Ísland vegna þess að henni þykir vænt um landið, elskar að vera úti í náttúrunni, að hreyfa sig, vera með góðu fólki og fræða það. Þórdís er með leiðsögumannapróf frá Íslenska leiðsöguskólanum, kennsluréttindi frá Listaháskóla Íslands og ljósmyndapróf frá École Superieure de la Photographi í Arles í Frakklandi. Samhliða vinnu sinni við leiðsögn leggur hún stund á meistaranám í menningarmiðlun við Háskóla Íslands.

Þórdís hefur búið víða erlendis, Frakklandi, Spáni, Túnis, Portúgal og New York. Hún á því ekki í miklum vandræðum með að leiðsegja á ensku, frönsku og spænsku. Hún hefur tekið námskeið í mörgum af þessum tungumálum auk námskeiða í skyndihjálp, norðurljósum, stjörnufræði og ýmissa annara ferðatengdra greina.

Hvort sem Þórdís er í vinnunni eða ekki má líklega finna hana gangandi eða á skíðum uppi um fjöll og firnindi.