Skráning er hafin í Fjallafólk fyrir árið 2012. Fjallafólk er hluti af hinum sívinsælu fjallgönguhópum Íslenskra Fjallaleiðsögumanna. Dagskrá Fjallafólks byggist á vikulegum kvöldæfingum á þriðjudögum allan ársins hring. Þessar vikulegu þrekæfingar fara bæði fram á útivistarsvæðum í Reykjavík og nágrenni ásamt því að  einu sinni í mánuði er farið í kvöldgöngu í stað þrekæfingar á fjöll í nágrenni Reykjavíkur. Ásamt þrekæfingum og stuttum fjallgöngum er einnig farið í mánaðarlegar dagsferðir á fjöll í nágrenni Reykjavíkur. Þessar dagsferðir fara yfirleitt fram á laugardögum ef veður leyfir.

Fyrsta þrekæfingin fer fram þriðjudaginn 3. janúar og fyrsta laugardagsgangan verður með óhefbundnum hætti þar sem haldið verður eins dags námskeið í vetrarfjallamennsku. Á námskeiðinu verður farið í þætti eins og ísaxarbremsu og hvernig best er að beita sér þegar gengið er á broddum. Námskeiðið fer fram utandyra og verður staðsetning þess auglýst síðar.

Fjallgönguhópar Íslenskra Fjallaleiðsögumanna er kjörin leið til þess að halda sér frískum og í góðu formi allan ársins hring. Ef áramótaheitið í ár er að koma sér í gott form, komast á fleiri tinda, eða bara stunda útivist og hreyfingu í góðum félagsskap þá eru fjallgönguhópar Íslenskra Fjallaleiðsögumanna eitthvað fyrir þig, Fjallafólk og Fjallagengið.

Jólakveðjur 

Íslenskir Fjallaleiðsögumenn - Örugglega á Fjöllum