6 daga gönguskíðaferð í Landmannalaugum. Staðfest brottför 20. febrúar 2010. Landmannalaugar hafa um árabil verið eitt vinsælasta gönguskíðasvæðið á Íslandi, enda óviðjafnanlegt á heimsvísu. Fáir ef einhverjir aðrir staðir bjóða upp á jafn einstakt samspil elds og ísa, þar sem snjóakistan sem Fjallabakssvæðið er er brotið upp af rjúkandi hverasvæðum, heitum ám og heitum baðlaugum. Margir þekkja Landmannalaugar að sumarlagi fyrir einstaka náttúrufegurð og mikinn fjölda ferðamanna. Á veturna kemst náttúrufegurðin á allt annað stig, en svæðið verður mannlaust eða því sem næst. Það er því hægt að ganga á skíðum út frá skálanum og skoða náttúrufegurðina í kyrrð og ró dögum saman með notalegum kvöldstundum í heitum skálanum og heitri lauginni. Á gönguskíðum: 6 dagar. Ganga á dag: 5-6 tímar. Heildarvegalengd: 110 km. Hæðarbil: 400-1100 m. Mesta dagshækkun 500 m. Hópstærð: 6 til 12 þátttakendur

Dagur 1: Reykjavík - Sigalda - Landmannalaugar

• Við ökum frá Reykjavík um virkjanasvæðið í kringum Hrauneyjar og að Sigöldu, 23 kílómetrum frá Landmannalaugum. Hér setjum við á okkur skíðin og göngum í átt að Landmannalaugum. Leið okkar liggur um Bjallahraun, Hnausagil, Frostastaðavatn. Þegar í skálann er komið komum við okkur vel fyrir með þann farangur sem bíður okkar þar. Að sjálfsögðu skellum við okkur í laugina um kvöldið aðeins um 100 metra frá skálanum.
• Akstur: 3 klst. Skíðaganga: 6 klst. Hæðarmismunur: 100m

Dagur 2: Ljótipollur - Landmannalaugar

• Við skoðum risagíginn Ljótapoll sem varð til í eldsumbrotum á 15. öld. Hiti í kring um pollinn ætti að halda litríkum hlíðum hans snjólausum.
• Skíðaganga: 5 klst. Hæðarmismunur: 100m

Dagur 3: Stórihver - Hrafntinnusker - Landmannalaugar

• Hér tökum við fyrsta legginn af hinum vinsæla Laugavegi. Við höldum í átt að Hrafntinnuskeri og skoðum Brennisteinsöldu, Stórahver og íshellinn við Hrafntinnusker.
• Skíðaganga: 6 klst. Hæðarmismunur: 550m

Dagur 4: Hattur - Skalli - Landmannalaugar

• Af Hatti og Skalla má sjá einstakt útsýni yfir Torfajökul og Jökulgil. Við erum í mikilli hæð hér og ef útsýnið er gott sjáum við yfir stóran hluta landsins.
• Skíðaganga: 5 klst. Hæðarmismunur: 600m

Dagur 5: Vondugil - Suður Námur - Landmannalaugar

• Við rennum okkur um Vondugil og upp á fjallið Suður Námur þar sem útsýnið getur verið stórfenglegt.
• Skíðaganga: 5 klst. Hæðarmismunur: 400m

Dagur 6: Landmannalaugar - Sigalda - Reykjavík

• Að 6 ánægjulegum dögum loknum tökum við beint strik aftur að Sigöldu þar sem bíllinn bíður okkar með allan okkar farangur. Við komum til Reykjavíkur seinnipart dagsins.
• Skíðaganga: 6 klst. Hæðarmismunur: 100m Akstur: 3 klst.

Brottfarardagur	Laust ?