Auðveld - hófleg ganga á hverasvæði og ganga á jökli.

Þessi ferð býður upp á margt af því besta sem náttúra Íslands hefur upp á að bjóða. Ferðin hefst á auðveldri göngu um jarðhitasvæðið á Hengilssvæðinu og niður í Reykjadal þar sem við skoðum hveri og böðum okkur í heitum læk. Við höldum því næst áfram í austurátt, fáum okkur hádegisverð í Hveragerði og ökum að Sólheimajökli í Mýrdalsjökli. Á leiðinni að Sólheimajökli gefast góð tækifæri til þess að sjá eldgosið í Eyjafjallajökli í fullum gangi og afleiðingar öskufallsins í sveitinni sunnan gossins. Á Sólheimajökli leiðsegjum við þér um undraheim blás íss, sterk skil ösku og íss og skoðum sprungur og svelgi í jöklinum. Á bakaleiðinni sjáum við Skógafoss og skoðum Seljalandsfoss.