Sérsniðin fjallgönguþjálfun fyrir fyrirtæki og vinahópa

Við komum til ykkar í hádeginu og kynnum málið

Á undanförnum árum hefur færst í vöxt að starfsmenn vinnustaða taki sig saman og gangi á fjöll með það fyrir augum að ganga saman á Hvannadalshnúk, hæsta tind landsins með Íslenskum Fjallaleiðsögumönnum um vorið.  
 
Sé þess óskað geta Íslenskir Fjallaleiðsögumenn komið að slíkri þjálfunardagskrá svo gangan á Hvannadalshnúk verði sem best undirbúin. Í slíkri þjálfunardagskrá er ekki óalgengt að hópar gangi fyrst á tinda nokkurra lægri fjalla svo sem Skarðsheiðar, Botnssúlna, Eyjafjalla- eða Snæfellsjökuls í fylgd reyndra leiðsögumanna.

Fáðu án endurgjalds alvana fjallaleiðsögumenn Jón Gauta Jónsson eða Leif Arnar Svavarsson í heimsókn til að fara yfir hvernig best er að standa að undirbúningi, leiðbeina með fatnað, útbúnað og nesti ásamt því að lýsa í máli og myndum hvernig staðið er að fjallgöngum Íslenskra Fjallaleiðsögumanna.

Í ferðum á Hvannadalshnúk er lögð mikil áhersla á að vinnustaða- eða vinahópar haldi saman sem sjálfstæðir hópar á fjallinu. Fyrir hverjum átta manna hópi, sem heldur saman í einu línuteymi, fer vanur fjallaleiðsögumaður.

Hringdu núna í síma 587-9999 eða sendu tölvupóst á mountainguides@mountainguides.is.